అసలు కన్నా వడ్డీ ముద్దు అని పెద్దలు చెప్పినట్లుగానే అమల మనవరాలు పుడుతుందని తెలియగానే అమెరికా వెళ్ళి కూతురుకు పురుడు పోసి ఐదవ నెల రాగానే మనవరాలిని తనతో తీసుకొచ్చింది.రోజూ పొరుగునే ఉన్న విమలకు మనవరాలు మాన్వి ముచ్చట్లు చెప్పింది చెప్పకుండా చెప్పడం మొదలు పెట్టింది.మాన్వి సన్నగా చిన్నగా ఉండడంతో ఏడవ నెలకే బాగా ప్రాకడం మొదలు పెట్టింది.విమలగారూ మాన్వి దొంగ - పోలీసు ఆట భలే ఆడుతుంది.దొంగను పట్టుకో దొంగను పట్టుకో అనగానే వేగంగా ప్రాకుతుంది.మధ్య మధ్యలో ఆగి వెనక ఎవరైనా వస్తున్నారో రావట్లేదో అని చూచి మమ్మల్నిచూడగానే మళ్ళీ వేగంగా వెళ్ళి సోఫా పక్కన కూర్చుంటుంది.మాన్వి తెలివిగలది కావడంతో ఎనిమిదవ నెల వచ్చేటప్పటికి చేతులతో సైగలు చేస్తూ ముఖంలో రకరకాల హావభావాలు పెడుతుంది.తొమ్మిది వచ్చేటప్పటికి ఏదో ఒక మూలకు వెళ్ళి కూర్చుని ఆడించమని చేతితో సైగ చేస్తూ కవ్విస్తుంది.నిజంగా దాన్ని చూస్తుంటే ఎంత ముద్దు వస్తుందో అంటూ వడ్డీ ముచ్చట్లు చెప్పి మురిసిపోతుంది.పిల్లలు కూడా అలాగే ముద్దుగా చేస్తారు.పెద్దలు చెప్పినట్లు అసలు కూతురు కన్నా మనవరాలు వడ్డీయే ముద్దు కదా!అనుకుంది విమల.
No comments:
Post a Comment