సాయీశా ఓ సాయీశా

సాయినాధ శ్రీ సాయినాధ అంటూ ఎంతో భక్తితో మొదలుపెట్టి సాయీశా ఓ సాయిశా అంటూ మనకు అందించిన జానకమ్మ సాయినాధ సంకీర్తనా కుసుమం.
                                   సాయినాధా శ్రీ సాయినాధా మా దేవుడవు నీవేలే సాయినాధా
                                             మా పాపాలను పరిమార్చు సాయినాధా      "సా"
                                             గరళమంత  ఒక్క గుక్కలో మింగావంటా
                                       మోహినివై దేవతలకు అమృతం పంచావంటా
                                              రక్కసుల దర్పమును అణిచావంటా
                                   ఆ దేవతలను అమరులను చేశావంటా సాయీశా ఓ సాయీశా "సా"
                                                   దశరధ నోముల పంట నీవేనంటా
                                                    యశోదానందుల ఇంట పెరిగావంటా
                                                     కలియుగమున షిర్డీలో వెలిశావంటా
                                   నీ లీలలన్నీ చూసి మేము మురిసేమంటా సాయిశా ఓ సాయిశా "సా"
                                                        జగమంతా నిండినదీ నువ్వేనంటా
                                                              ఏకమైన నువ్వే అనేకమంటా
                                                        గోవిందుని నామాలను పలికితిమయ్యా
                                        గోపాలుడు నువ్వేనని ఎరిగితిమయ్యా సాయిశా ఓ సాయీశా   "సా"
                                                                     బాలుడై షిర్డీకి వచ్చావంటా
                                                           సాయీ రమ్మని మహాల్సా పిలిచాడంటా
                                                               నీ ఆకలి లక్ష్మీభాయి తీర్చేనంటా

                                        నవ నాణెములు ఆమెకు నువ్విచ్చావంటా సాయీశా ఓ సాయీశా"సా"

స్వర్ణ పల్లకీలోన

                                                             ఓం సాయి రాం
    స్వర్ణ పల్లకీలో సాయి వచ్చెసంబరములు అంబరము తాకెనంటూ జయంతమ్మ వ్రాసుకున్న సాయినాధ సంకీర్తన                                                       స్వర్ణ పల్లకీలోన సాయి దేవుడొచ్చె

                                                   సంబరములు చూడ అంబరమును తాకె 

                                                    జయ జయ ధ్వానాలు జనులంతా చేసె
                                                     పుష్ప వర్షంబును దేవతలు కురిపించె "సా"
                                                     ఆ కనులు కురిపించె కరణామృతమ్ము
                                                           ఆ నవ్వులో ఉంది వరాలజల్లు
                                                         ఆ అభయహస్తంబు ఆపన్నులగాంచె
                                                       ఆ దివ్యరూపంబు హరిహరుల తలపించె"సా"
                                                          ఆబాలగోపాలం హరి నామమునుజేసె
                                                          అది నేనే అనుచు ఆ సాయి తలయూచె                  
                                                               అంగరంగ వైభవముగా అందరూ
                                                         ఆ సాయిబాబాకు హారతులు పట్టంగ "సా"

పల్లకి వచ్చేనండీ

అదిగదిగో సాయి దేవుడు మేళాలు,తాళాలతో పల్లకీలో వచ్చేనండీ అంటూ కోలాహలంగా భజన చేస్తూ భక్తితో జయంతమ్మ పాడుకున్నసాయి సంకీర్తనా కుసుమం.

                                                                  ఓం శ్రీ సాయి రాం 

                                                             అదిగదిగో పల్లకీ వచ్చేనండీ 

                                                      మన సాయి దేవుడు అందు వచ్చేనండీ 

                                                           మేళాలు,తాళాలు,భాజాభజంత్రీలు

                                                            కోలాహలంగా కోలాటములతో "అ"

                                                          ముక్కోటి దేవతలు ముందు నడువంగా 

                                                            ముత్తైదువలంతా హారతులు పట్టంగా

                                                          ముసి ముసి నవ్వుల మోహన రూపుడు "అ"                      

                                                           ధవళ వస్త్రములతో ధగధగ మెరయుచు 

                                                              దీనుల పాలిట కల్ప వృక్షములాగా

                                                         శివుని పోలిన సాయి చిందులే వేయుచు"అ"

                                                              తాత లాగా నిన్ను దీవించ వచ్చాడు 

                                                            తండ్రిలా నిన్నెపుడు కాపాడుతుంటాడు 

                                               నీబిడ్డ లాగా కొంగట్టుకుని నువ్వెక్కడుంటే అక్కడుంటాడు"అ" 

                            

                                                            

                                                              

వినుడు వినుడు

విను వినుడు శ్రీ చరితము ఆలకించిన ఆచరించిన ధన్యులమయ్యెదము అంటూ జయంతమ్మ భక్తితో వ్రాసుకున్న

                                                       సాయినాధ సంకీర్తనా కుసుమం 

                                                        జై సాయి రాం జై జై సాయి రాం  

                                       వినుడు వినుడు శ్రీ సాయి చరితము వినుడీ జనులారా 

                                       ఆలకించిన ఆచరించిన ఐశ్వర్యములనొసగే సాయి చరిత "వి"

                                        కలియుగమందున కులమతమ్ముల కుమ్ములాట పెరిగే

                                         సిరికి చెప్పి ఆ హరియే స్వయముగా భువికి తానేవచ్చే"భు" "వి"

                                                 పెళ్ళి బృందంతో బాలునివలె ఆ షిరిడీ పురి చేరే

                                                 గుర్తించిన ఆ మహాల్సాపతి సాయీ అని పిలిచే "సా" "వి" 

                                                 అన్ని మతమ్ముల సారమొక్కటని ఆచరించి చూపే 

                                                  ఆపన్నులను ఆదుకొనుటకై ధుని నుండి ఊదీ నిచ్చే "ధు" 

                                                     వెలిగించెను ఆ పావనమూర్తి నీటితో జ్యోతులను 

                                                    అచ్చెరువొంది ఆ పురజనులు దైవముగ కొలిచే "దై" "వి"

                                                   తన దరి చేరిన ప్రజలందరికీ సుఖశాంతుల నొసగే 

                                                      చక్రధారియై వెలిగే తానే సాధు రూపుదాల్చే"సా"  

                                                  ధర్మ మార్గమున నడిపించుటకై సద్గురినిగా మారే 

                                                       జీవకోటిలో తేజము తానై జగములెల్ల నిండే"జ" "వి"  

                                                  

                                             

                                           

శ్రవణం స్మరణం కీర్తన

                                                                 ఓం సాయి రాం
       ప్రతి నిత్యం శ్రవణం స్మరణం భక్తితో కీర్తన చేయమంటూ జయంతమ్మ వ్రాసుకున్ననవవిధసంకీర్తనా కుసుమం
                                                    శ్రవణం చేయుము గురుచరితం
                                                      స్మరణం చేయుము ఓంకారం
                                                       కీర్తన చేయుము హరినామం
                                                      పూజలు చేయుము ప్రతినిత్యం
                                                      వందనమర్పించుము సూర్యునికి
                                                          దాసుడవే ఎప్పుడు దేవునికి
                                                       పాదసేవలు చేయుము గురువులకు
                                                          సఖ్యము చేయుము కృష్ణునితో

                                                    ఆత్మ నివేదన చేయుము పరమాత్మునికి

శరణు అందాం

ఓం సాయి శ్రీ సాయి అంటూ సాయి చరణాలకు శరణు అందాం అని భక్తితో జయతమ్మ వ్రాసుకున్నసాయి సంకీర్తన
                                                                      ఓం సాయి రాం
                                                       ఓం సాయి శ్రీ సాయి అందాం అందాం
                                                      ఆ సాయి రూపాలు కందాం కందాం"ఓం"
                                                     షిరిడీకి మనమంతా వెళదాం వెళదాం
                                                        బాబాకు సేవలు చేద్దాం చేద్దాం "ఓం"
                                                           అందరం అభిషేకం చేద్దాం చేద్దాం
                                                   స్వామి అలంకరణ మనం చూద్దాం చూద్దాం"ఓం"
                                                       పూల హారాలు మనము వేద్దాం వేద్దాం
                                                       ధూప దీప హారతులిద్దాం యిద్దాం"ఓం"
                                                       నిత్య పూజలు మనము చేద్దాం చేద్దాం

                                                   సాయి చరణాలకు శరణు అందాం అందాం"ఓం"                                                        

                                                       

ఎవరు పిలిచారమ్మా!

                                                                   శ్రీ సాయి రాం                                                                          సాయీ అనగానే వచ్చి నీ వెంటే నేనున్నానీ భారమంతా నాదే అనే సాయికి భక్తితో జయంతమ్మ సమర్పించిన                                                             సాయినాధ సంకీర్తనా కుసుమం    

                           ఎవరు పిలిచారమ్మా సాయి అని వచ్చినిలిచాడు ఏమి కావాలని
                             నీ భారమంతా నాదేనని ధుని సాక్షిగా చెప్పుచున్నానని "ఎ"
                      నా చరిత చదివించి నా లీల చూపించి నా బాటలో నిన్ను నడిపించుచూ
                   నన్ను నమ్మితే చాలు నలుదిక్కులానిలిచి కనురెప్పలా నిన్ను కాపాడతానని "ఎ"
                            తల్లితండ్రి నేనేనని నీగురువు నేనేనని నీ చెంతనే నేను వున్నానని  

                            ఏ చోట నీవున్న నీలో నేనే వుండి నాదరికి నిన్ను చేర్చుకుంటానని "ఎ"

                   

"
                             

తోడు నీడ

   నీ హృదయంలో ఉన్న దైవమే నీకు ఎప్పుడూ తోడునీడ అంటూ జయంతమ్మ వ్రాసుకున్నసంకీర్తనా కుసుమం
                                                                     సాయి రాం
                                                      గృహమేగా నీకు దేవాలయం
                                                    నీ హృదయంలో ఉన్నది ఆ దైవం
                                                    తెలుసుకుని మసులుకుని సాగిపో
                                                    నీ జీవితమే సార్ధకమ్ము చేసుకో "గృ"
                                                  ప్రకృతియంత పరమాత్మ నిండియుండగా
                                                         ప్రతిజీవి భగవంతుని రూపామేగా
                                                     ప్రహ్లాదుని బాటలో పయనించుమురా
                                                   ప్రతిమనిషి జీవితము ధన్యమగునురా "గృ"
                                                  పరమాత్ముని నామాలను స్మరియింపుమురా
                                                       భగవంతుని మదిలోనే ధ్యానించుమురా
                                                  అణువణువునా అతడేయని తెలుసుకొనుమురా
                                                      ఆ దైవమే నీకు ఎప్పుడూ  తోడు నీడరా"గృ"
                                                      

ఓంకార రూపా

                             ఓంకార రూపా శ్రీ సాయి శరణు శరణు శ్రీ సాయి అంటూ జయంతమ్మ భక్తితో వ్రాసుకున్న                                                                       సాయినాధ సంకీర్తనా కుసుమం
                                                 ఓంకార రూపా శ్రీ సాయీ త్రిమూర్తి రూపా శ్రీ సాయీ
                                                         దత్తావతారా శ్రీసాయీ భక్తవత్సలా శ్రీసాయీ
                                                భవభయ హరుడే శ్రీ సాయీ కైలాసనాధుడు శ్రీ సాయీ        
                                                  పద్మనాభుడే శ్రీ సాయీ పతిత పావనుడు శ్రీ సాయీ
                                                    ధర్మము నీవే శ్రీ సాయీ తేజము నీవే శ్రీ సాయీ
                                                    జ్ఞానము నీవే శ్రీ సాయీ పాండురంగడే శ్రీ సాయీ
                                                కౌసల్య తనయుడు శ్రీ సాయీ దేవకీ తనయా శ్రీ సాయీ
                                                అనసూయ సుతుడే శ్రీ సాయీ  అంజని పుత్రా శ్రీ సాయీ
                                                  దశరధ నందన శ్రీ సాయీ దయగల తండ్రివి శ్రీ సాయీ
                                                     నందనందనా శ్రీ సాయీ నారాయణుడే శ్రీ సాయీ
                                                 సద్గురు రూపా శ్రీ సాయీ సగుణ స్వరూపా శ్రీ సాయీ
                                                  అభయ ప్రదాతా శ్రీ సాయీ శరణం శరణం శ్రీ సాయీ

                                             

నీ కలలో ఇలలో

నీ కలలో ఇలలో  అందరి రూపం నేనే నీ భారమంతయు నాదే అంటున్న సాయికి భక్తితో నమస్కరిస్తూ జయంతమ్మ                                                              వ్రాసుకున్నసాయినాధ సంకీర్తనా కుసుమం
                                                                             ఓం శ్రీ సాయి రాం
                                                                నీ కలలో ఇలలో కాంచునదీ నన్నే
                                                       నీ ఇంటి ఇలవేల్పు నేనే  నీ భారమంతయునాదే                                                                                             ఓంకార రూపము నేనే ప్రతి అణువు అణువులో నేనే
                                                             అర్చావతారుడనేనే అనంత రూపుడ నేనే            
                                                          విశ్వరూపమున నేనే వసుదేవతనయుడ నేనే
                                                             సర్వనామముల నేనే సకల జీవులలో నేనే
                                                             త్రిమూర్తి రూపము నేనే త్రిగుణాతీతుడ నేనే
                                                                 సర్వవ్యాపకుడ నేనే సత్యదేవుడ నేనే
                                                            భుజగ భూషణుడ నేనే భుజగ శయనుడ నేనే
                                                             దశరధ తనయుడ నేనే దీన భాంధవుడ నేనే
                                                             మురళీధరుడను నేనే మోహినీ రూపము నేనే
                                                               నారసింహుడను నేనే నంద నందనుడ నేనే
                                                             వెంకట రమణుడను నేనే వేదములన్నియు నేనే
                                                                రామకృష్ణుడను నేనే రమణ మహర్షిని నేనే
                                                                 శ్రీపాద వల్లభ నేనే నృశింహ సరస్వతి నేనే
                                                                   దత్తావతారుడ నేనే దక్షిణామూర్తిని నేనే
                                                                  జ్ఞానస్వరూపిణి నేనే అంజని పుత్రుడ నేనే
                                                                 సోమాదిత్యులు నేనే సకల దేవతలు నేనే

                                                            సద్గురు రూపుడ నేనే ఆ సాయి దేవుడను నేనే                                           

బాబా వినవయ్యా నా మొర

                                                                        ఓం శ్రీ సాయి రాం                                                                       సాయి బాబా నీవే కరుణతో తీర్చాలి నావ్యధ అంటూ జయంతమ్మ కన్నీటితో వ్రాసుకున్న సాయి సంకీర్తన

                                                           బాబా సాయిబాబా వినవయ్యా నా మొర
                                                  వింటే కరుణ చూపి తీర్చాలి నా వ్యధ బాబా సాయిబాబా "బా"
                                                      వైకుంఠవాసా వాసుదేవ తనయా హే పాండురంగా
                                                            హే పద్మనాభా శ్రీ శ్రీనివాసా హే చిద్విలాసా
                                                            కాపాడరావా కైలాసవాసా "2"బాబా సాయి బాబా "2"
                                                     ధ్యానమ్ము చేసే మార్గమ్మునివ్వు నీజపము చేసే ఆ శక్తినివ్వు
                                                    నీ పూజ చేసే పుణ్యమ్మునివ్వు నీ చెంత చేరే భాగ్యమ్ము నివ్వు "బా"
                                                         ఆదిశక్తి నీవే అనంతుడవు నీవే మానుష్య రూపు దాల్చీ
                                                   మాతోనే తిరిగావే నాలోన నీవున్నావు నీలోన నేనున్నాను
                                                  ఎన్ని జన్మలైనగానీ నీతోనే ఉంటాను నీలోనే ఉంటాను" బా"
                                                  తపః ఫలములీయా శబరినైనగాను నీపాదములు కడుగగా
                                                  గుహుడైనగాను ముక్కంటికి కన్నులొసగే కన్నప్పనుగాను

                                             నీ పాదాలచెంత ధూళినే నేనూ నీపాద సన్నిధిలో ధూళినే నేనూ "బా"

                                                  

నీలో నేనున్నానని

                                                                   శ్రీ సాయిరాం
       ఓ బాబా ఎక్కడైనా ఎప్పుడైనా అందుకో మా కుసుమాంజలి అంటూ జయంతమ్మ వ్రాసుకున్న సాయి సంకీర్తన
                                                      నీలో నేనున్నానని అన్నావు నీవు
                                               గుడిలోనో గుహలోనో వెతుకుతున్నాను నేను
                                            ఎక్కడైనా ఎప్పుడైనా అందుకో మా కుసుమాంజలి
                                                    ఓ బాబా అందుకో మా కుసుమాంజలి "నీ"
                                                   వేదనలో వేడుకలో తోడున్నానని అన్నావు                    
                                                నరులను నమ్మెదమే నారాయణా నిను నమ్మమే"నీ"
                                                         కోర్కెలను వదిలి నన్నే కొలవమన్నావు
                                                        వయసు మీరుతున్నా వదలవే వాసనలు "నీ"
                                                         ఎన్నో జన్మల బంధం మనదన్నావు నీవు
                                                       మాయ వలలో చిక్కి మరచుచున్నాను నేను "నీ"

                                                       
                               

                                                    

                                         
                                                  

సాయి మమ్ము విడిచి వెళ్ళకయ్యా

                                                                  శ్రీ సాయి రాం
    మంచి,చెడు తెలుసుకోలేని మూర్ఖులమయ్యా ఆదుకోవయ్యా సాయి మమ్ము విడిచి వెళ్ళకు అంటూ జయంతమ్మ                                                       వ్రాసుకున్నసాయి సంకీర్తనా కుసుమం
                                                    సాయీ నువ్వు నన్ను విడిచి వెళ్ళకయ్యా
                                                నిన్ను విడిచి క్షణము నేను బ్రతకలేనయ్యా "సాయీ"
                                                   మాయేదో మర్మమేదో మచేమితో చెడు ఏమిటో
                                                   తెలియని నీ బిడ్డలము తికమక పడుచున్నాము
                                                   దయగల తండ్రీ నీదరి చేర్చి కాపాడవయ్యా "సాయీ"
                                                      పుణ్యమేదో పాపమేదో శత్రువెవరో మిత్రులెవరో                
                                                                 తేడా తెలియని మూర్ఖులమయ్యా
                                                        నీవు తప్ప మాకు దిక్కు వేరేవరయ్యా "సాయీ"
                                                            ఏమిటో ఈ జీవితము అంధకారబంధురమూ
                                                                   సంసార చక్రములో చిక్కుకొంటిమీ
                                                        చేదుకొని ఆదుకొనే దైవము నీవే సాయీ "2" "సాయీ"                      














                                                       





                                                

శతకోటి నామాలు

                                                              ఓం శ్రీ సాయి రాం
     పరమాత్మ ఒక్కడే కదా శతకోటి నామాలు ఎందుకు సాయీ అంటూ జయంతమ్మ వ్రాసుకున్న సాయి సంకీర్తన                                                           శతకోటి నామాలు ఎందుకయ్యా నీకు
                                                    సాయీ అను నామమొకటే చాలదా మాకు "శ"
                                                    యుగములెన్నిమారినా దైవమొక్కటే కదా
                                                       నదులన్నీ కలిసినా సంద్రమొక్కటే కదా                      
                                                     మతములు వేరైనా అందరి గమ్యమొక్కటే కదా "శ"
                                                            అవతారాలెన్నైనా హరి ఒక్కడే కదా
                                                            జీవరాసులెన్నైనా ఆత్మ ఒక్కటే కదా

                                                          ఆత్మలన్నిటిలోని పరమాత్మ ఒక్కడే కదా "శ"

         
                                                       
                                                                                                                                 

సర్వపాపసంహారిణి

                                                                        ఓం శ్రీ సాయిరాం                                                                           సంకీర్తనమే అన్నింటికీ  పరిష్కారం అంటూ జయంతమ్మ వ్రాసుకున్న సాయినాధ సంకీర్తనా కుసుమం  

                                                           సర్వపాపసంహారిణి సంకీర్తనమే
                                                             సర్వరోగ నివారిణి సకీర్తనమే
                                                            భవబంధవిమోచని సంకీర్తనమే
                                                            ఆత్మశుద్ధిచేయునదీ సంకీర్తనమే
                                                            సత్సంగము నిచ్చునదీ సంకీర్తనమే
                                                             యోగబలమునిచ్చునదీ సంకీర్తనమే

                                                          గృహముపావనముచేయునదీ సంకీర్తనమే

                                                              దైవదర్శనమునొసగునదీ సంకీర్తనమే      

                           
  

దివిలోన నీవే భువిలోన నీవే

                                                                   జై జై సాయి రాం
         మా ఇంటిలోన ఇలవేల్పు నీవే అంటూ భక్తితో జయంతమ్మ వ్రాసుకున్న సాయినాధ సంకీర్తనా కుసుమం
                                         దివిలోన నీవే భువిలోన నీవే ఎదలోన నీవే ఎదురుగా నీవే
                                     పల్లకీలోన నీవే పయనించినావే నీ కృపను మాపై కురిపించినావే "ది"
                                         తొలి పూజలందే గణపయ్య నీవే గోవుల్లుగాచే గోపయ్య నీవే
                                       శ్రీరామదూతా హనుమయ్య నీవే షిరిడీలోఉన్నశ్రీసాయివి నీవే
                                           కలలోన నీవే కనిపించినావే ఇలలోన నీవే దీవించినావే "ది"
                                    పసిపాప నవ్వే ఆ నవ్వు నువ్వే ప్రతి పువ్వులోని పరిమళమ్ము నీవే
                                     మాలోన వెలిగే ఆ జ్యోతి నీవే మా తల్లి తండ్రి గురువు దైవమ్ము నీవే

                                         మా బాధలన్నీ తీర్చేది నీవే మా ఇంటిలోన ఇలవేల్పు నీవే "ది"

                                     
                   

గోకులమున

                                                                   జై జై సాయి రాం
   మధురంగా ఉంది బాబా ఇంకొంచెం తినవా అంటూ ప్రేమగా వ్రాసుకున్న జయంతమ్మ సాయి సంకీర్తనా కుసుమం
                                                            గోకులమున తిరుగాడు గోపాల కృష్ణా
                                                        పాలబువ్వ పెడతాను పరుగున ఇటురావా"గో"
                                                            అలనాడు కౌసల్య కలిపిన ఆముద్దలా
                                                            కమ్మగా ఉందిరా కడుపు నిండా తినవా"గో"
                                                            ఇదిగో ఇది యశోదమ్మ పెట్టిన ఆ వెన్నలా
                                                              ఎంతో బాగుంది మరి కొంచెం తినవా"గో"
                                                             వకుళ మాత పెట్టిన ఆ లడ్డూలోని తియ్యదనం
                                                                 అమృతంలా ఉందయ్యా!ఆరగించ రావా"గో"
                                                                      లక్ష్మీ భాయి భక్తితో పెట్టిన రొట్టెలా

                                                                  మధురంగా ఉంది ఓ బాబా ఇది తినవా"గో"

                                                           
                                                       
                                                          

సాధువై వచ్చాడమ్మా

                                                                 ఓం శ్రీ సాయి రాం
    సాధువై వచ్చి సద్గురుడయ్యాడమ్మా అంటూ భక్తితో జయంతమ్మ వ్రాసుకున్న సాయినాధ సంకీర్తనా కుసుమం
                                                   సాధువై వచ్చాడమ్మా సద్గురుడయ్యాడమ్మా
                                                    ఇలలో అందరికీ వేలుపే అయ్యాడమ్మా"సా"
                                                    మసీదు కట్టాడమ్మా ధుని వెలిగించాడమ్మా
                                                     భిక్షలా అడిగి నీ పాపాలు కాల్చాడమ్మా "సా"
                                                        లెండీని పెంచాడమ్మా దీపాలు పెట్టాడమ్మా
                                                         మనలో అజ్ఞాన చీకటిని బాపాడమ్మా"సా"
                                                          గజ్జలే  కట్టాడమ్మా నాట్యమే చేశాడమ్మా

                                                       గీతార్ధమును చెప్పి గోపాలుడయ్యాడమ్మా"సా"

                                                  అడుగడుగునా సాయేనమ్మా అందరొచ్చిచూడండమ్మా
                                                           భక్తితో మీరంతా పూజలే చేయండమ్మా"సా"
                                                   

కల్ప వృక్షం

                                                            ఓం శ్రీ సాయినాధాయనమః
    దీనుల పాలిటి కల్ప వృక్షం సాయే అంటూ నమ్మకంతో జయంతమ్మ వ్రాసుకున్నసాయినాధ సంకీర్తనా కుసుమం
                                            షిరిడీ సాయిని చూచిన చాలును పాపములన్నీ తొలగునులే
                                            సాయి శరణం అంటే చాలును సర్వ సంపదలు కలుగునులే "షి"
                                            బృందావనిలో తిరిగిన బాలుడు షిరిడీ పురమున వెలిసెనులే
                                             నాటి గోపికలు నేటి భక్తులై ఆ గుడి ముంగిట నిలిచెనులే"షి"  
                                            దీనుల పాలిటి కల్ప వృక్షమై దివి నుండి భువికి  దిగి వచ్చెనులే
                                                  కోరిన వారికి కాదనకుండా కోరికలన్నీ తీర్చేనులే "షి"

                                                 సాయి అని నీవు పిలిచినంతనే ఓయని నీదరి చేరునులే 

                                              నీలో దోషములేమియు చూడక చక్కని భోదలు చేయునులే "షి"

                                                 

కోకిలమ్మ కూసింది

                                                                      ఓం శ్రీ సాయి రాం                                                             సాయి అనగానే ఓయ్ అంటూ పలికే సాయిని నీవెందుకు పలకవోయి అంటూ  జయంతమ్మ వ్రాసుకున్నసాయినాధ సంకీర్తనా కుసుమం
                                        కోకిలమ్మ కూసింది కూకూయని
                                      రామచిలుక పలికింది రామ రామ అని
                     మరి నీవెందుకు పలుకవోయి సాయి సాయి అనీ సాయి సాయి అనీ "కో"
                                        ఎవరికైనా ఇస్తుంది గోవు పాలనీ
                                        అందరికీ పంచుతుంది గంగ నీటినీ
                          మరి పదిమందికీ నీవు చెప్పుసాయి చరితనీ సాయి చరితనీ "కో"
                                          భూమాత చెబుతోంది ఓర్చుకోమ్మనీ
                                        చెట్టు చెబుతోంది చెంత కొస్తే నీడనిమ్మనీ
                              మరి అందరికీ నేర్పునీవు సాయి భజననీ సాయి భజననీ"కో"
                                            భ్రమరమ్ము తెస్తుందీ మంచి తేనెనీ
                                          మల్లె పంచుతుంది మనకు పరిమళాన్నీ
                                  మరి అందరికీ పంచునీవు సాయి ఊదీని సాయి ఊదీని "కో"
                                            ఈదుతోంది చేపపిల్ల నడిసంద్రాన్నీ
                                            ఎగురుతుంది పక్షికూన ఆకసానికి

                                  మరి మనమంతా చేరాలి సాయి సన్నిధీ సాయి సన్నధీ "కో"