కొంతమంది సరదాగానో, తమాషాగానో మాట్లాడుతున్నామని అనుకుని ఎదుటివారిని వారి రూపాన్ని బట్టి మారుపేర్లతో పిలుస్తూ ఎగతాళి చేస్తూ ఉంటారు.మనం మాట్లాడే మాట చిన్నదే అనుకుంటాము. కానీ వాళ్ళ మనసుకు ఎంత బలంగా తగులుతుందో ఆ బాధ అనుభవించేవాళ్లకు మాత్రమే తెలుస్తుంది.ఒక దెబ్బ కొట్టినా రెండు రోజులకు పోతుంది. కానీ మనసుకు బాధ కలిగే విధంగా ఒక మాట అంటే వారి ఆత్మాభిమానాన్ని దెబ్బతీస్తుంది.కొంతమంది తేలిగ్గా తీసుకుంటారు కానీ కొంతమంది ప్రాణం పోతున్నట్లు విలవిలలా డిపోతుంటారు.బయటకు చెప్పుకోలేక వాళ్ళల్లో వాళ్ళే కుమిలిపోతూ మానసిక క్షోభకు గురై ఆత్మహత్యా ప్రయత్నాలు చేస్తూ ఉంటారు.కళాశాలల్లో, పాఠశాలల్లో, ఇరుగుపొరుగు వారిని కూడా కొంతమంది సంస్కారం లేక ఇటువంటి పిచ్చి పనులు చేస్తుంటారు.దయచేసి ఎవరైనా సరే తోటివారిని తమాషాకి కూడా ఎగతాళి చేయకండి.
No comments:
Post a Comment