అపాత్రదానం

         సంజన పనివాళ్ళను తనఇంట్లో వాళ్ళలాగా చూస్తుంటుంది.ఏకొంచెంచేసినా ఇస్తుంటుంది.ఇంతకుముందు
పనివాళ్ళుకూడా బాగాచూస్తుంటుందని ప్రత్యేకంగా వీళ్ళకు పనిచేసేవాళ్ళు.సంజన స్నేహితురాళ్ళుకూడా సంజనకు పనివాళ్ళవల్ల ఎదురయ్యే ఇబ్బందులు తెలియవు అదృష్టవంతురాలు అనుకొనేవాళ్ళు.అలాంటిది ఈమధ్య సంజన కూడా పనివాళ్ళవల్ల ఇబ్బంది పడుతోంది.వచ్చిన చిక్కేమిటంటే ఇప్పుడుకూడా సంజన బాగానే చూస్తుంది.
ఇంతకుముందువాళ్ళకన్నాఅడిగిమరీ అన్నీ పట్టుకెల్తుంది.అమ్మా పన్నునొప్పిగాఉంది మెత్తగాతింటాను సాంబారు
ఉంటే ఇవ్వండమ్మా లేకపోతే కొంచెం పెట్టండమ్మా అని నిర్మొహమాటంగా అడుగుతుంది.పెట్టేవికాక అడిగిమరీ
తీసుకుని వెళ్ళటం తెలుసుకానీ పనికి రావటం తెలియదు.ఇచ్చేజీతంకాక ఇంత తింటున్నాము కదా అమ్మ ఇబ్బంది పడుతుందేమో అనేజ్ఞానమే లేదు.సంజన స్నేహితురాళ్ళు నువ్వు అందరికీ కన్పించిన వాళ్ళకల్లా అపాత్రదానం చేస్తుంటావు.తిన్నవిశ్వాసం లేకుండా నిన్ను ఇబ్బంది పెడుతుంటే నువ్వు బాగా చూడాల్సిన అవసరం ఏమిటి?
పెట్టటం మానేసెయ్యి.ఈరోజుల్లో చదువుకున్నవాళ్ళే ఇంగితజ్ఞానం లేకుండా తినేసి ఊరుకుంటున్నారు.ఇక
పనివాళ్ళదేముంది? ఏదయినా దానం ఇవ్వాలన్నాతీసుకోవాలన్నా అర్హత ఉండాలి అపాత్రదానం పనికిరాదు.ఇక
నుండయినా తెలుసుకో అన్నారు.నేను దానంచేస్తున్నాను అనే ఉద్దేశ్యంతో ఏదయినా ఇవ్వను మనకు చేసేవాళ్ళకు,
చెప్పేవాళ్ళకు ఇవ్వాలి అదిమన సంస్కారం అని నాఅభిప్రాయం.తినేసి మొండిచెయ్యి చూపించటం వాళ్ళసంస్కారం.  చదువుకున్నవాళ్లయినా,చదువుకోనివాళ్లయినా అది వాళ్ళ బుద్దిలోపం అనుకుంటాను అని సంజన చెప్పింది.