ఇంటి ముందు,ఇంటి చుట్టుపక్కల మొక్కలు పెట్టి వాటిని సంరక్షించడానికి ఎంతో కృషి చేసి అవి పెరిగి,పువ్వులు పూసి,కాయలు కాస్తుంటే కలిగే సంతోషం మాటలతో చెప్పతరం కాదు.పెద్ద వృక్షాలు అయితే పెంచే వాళ్ళే కాక చుట్టుపక్కల వాళ్ళు కూడా కాలుష్యం లేని గాలిని ఊపిరితిత్తుల నిండుగా పీల్చుకోగలుగుతారు.ఇది ఊపిరితిత్తులకు మంచి వ్యాయామం.మొక్కలకు పోషణ చేయటం శారీరక వ్యాయామం మాత్రమే కాక మానసికంగా ప్రశాంతంగా ఉండటంతో సంతోషంగా జీవితాన్ని గడుపుతారు.చెట్లు,మొక్కల మధ్య ఎక్కువ సమయం గడిపేవాళ్ళు స్వచ్చమైన గాలిని పీల్చుకోవటంతో సంపూర్ణ ఆరోగ్యంతో ఎక్కువ కాలం జీవిస్తారు.బ్రతికినంత కాలం సంతోషంగా ఆరోగ్యంగా ఉండటమే కదా!కావలసినది.అందుకని వీలయినప్పుడల్లా ప్రకృతి మధ్య గడపితే పచ్చదనంతో ఆయుష్షు పెరుగుతుంది.
No comments:
Post a Comment