బాబోయ్ ఈగలు

                                       ఆషాడం వచ్చిందంటేనే ఈగలు,దోమలు అధికంగా వృద్ది చెందుతాయి.విందు భోజనాల దగ్గరైతే చెప్పనక్కరలేదు.అలోక్ బంధువులు మనుమడి పుట్టినరోజు సందర్భంగా విందు ఏర్పాటు చేశారు.కానీ ఈగలు గురించి పట్టించుకోలేదు.తగిన శ్రద్ధ తీసుకోకపోవటం వల్ల చాలా ఈగలు అక్కడక్కడే ఆహారపదార్ధాల మీద  వాలుతున్నాయి.ఇదంతా చూస్తున్న అలోక్ కి చాలా చిరాకుగా అనిపించింది.అలోక్ ఇంట్లో అసలు ఈగ అన్నమాట ఉండదు.ఇంట్లోనే కాదు బయట కూడా ఉండవు.అలోక్ భార్య ఈగలు ఇంటి లోపలికి రాకుండా తగిన జాగ్రత్తలు తీసుకుంటుంది. ఎప్పుడైనా ఒకటి వచ్చిందా దానికి నూకలు చెల్లినట్లే.ఎవరోఒకరు దాన్ని చంపేస్తారు.మన ఇంటితోపాటు,పరిసరాలు కూడా శుభ్రంగా ఉంచితే ఈగలు,దోమలు రాకుండా ఉంటాయి. అలోక్ కాసేపు ముళ్ళమీద కూర్చున్నట్లు కూర్చుని భోజనం చేయకపోతే బాధ పడతారని తప్పనిసరి  పరిస్థితుల్లో ఏదో భోజనం చేశాననిపించి బయట పడ్డాడు.
చిట్కా:ఎక్కువగా ఈగలు ఉన్నప్పుడు కలరా ఉండలు కానీ కర్పూరం కానీ పొడిచేసి అక్కడక్కడా చల్లితే ఈగలు రాకుండా ఉంటాయి.