గుత్తి వంకాయ కూర

     లేత వంకాయలు - 1/4 కే.జి
     నూనె - 1/4 కే.జి
    పచ్చి లేక ఎండు కొబ్బరికోరు - 1/4 చిప్ప
    ఎండు మిర్చి - 15 -20
    జీరా - 1/2 టేబుల్ స్పూను
    మెంతులు - 1/4 టేబుల్ స్పూను
    ధనియాలు -2 టేబుల్ స్పూన్లు
    వేరుశనగ పప్పు - 2 టేబుల్ స్పూన్లు
    నువ్వుపప్పు - 2 టేబుల్ స్పూన్లు, గసాలు - 1 టేబుల్ స్పూను
    ఉప్పు - 2 టేబుల్  స్పూన్లు
    పసుపు - కొంచెం ,చింతపండు - చిన్న నిమ్మకాయంత
    ఉల్లిపాయ - 1 పెద్దది
              ఎండుమిర్చి,జీరా,మెంతులు,ధనియాలు,వేరుశనగపప్పు,నువ్వుపప్పు,విడిగా వేయించి మిక్సీలో పొడి చేసుకోవాలి.గసాలు కూడా వేయించి,కొబ్బరి,గసాలు కలిపి మెత్తగా చేసి చింతపండు పులుసు చిక్కగా పిండుకుని
ఒక ప్రక్కన పెట్టుకోవాలి.ఉల్లిపాయముక్కలు కొద్దిగా పసుపు,ఉప్పు వేసి వేయించిమెత్తగాచేసి ,పొడులన్నీకలిపి
 వంకాయలు పొట్ట చీల్చి దానిలో పట్టినంత నింపి నూనెలో చిన్నమంటమీద మ్రగ్గనివ్వాలి.కొంచెం ఉప్పు కలిపి
చింత పండు,గసాలు,కొబ్బరి మిశ్రమం మ్రగ్గుతున్న వంకాయల మీద పోసి ఉడకనిచ్చి దగ్గరపడుతుండగా గ్రేవీలాగా
ఉండగా తీసేస్తే నోరూరించే గుత్తి వంకాయ కూర రెడీ.