బొప్పాయి కోఫ్తా

పచ్చి బొప్పాయి కాయ - 1(మీడియం సైజుది)
కారం - 3/4 స్పూను
 శనగ పిండి - 2 స్పూనులు
ధనియాలపొడి - 2 స్పూనులు
జీరా - 1/2 స్పూను
టొమాటోలు - 4
పసుపు - కొంచెం
ఉప్పు - తగినంత
నూనె -వేయించడానికి  సరిపడా
       మసాలా
ఉల్లిపాయలు - 3
వెల్లుల్లి - 10
గసాలు - 1 స్పూను
లవంగాలు - 3
దాల్చిన చెక్క - కొంచెం  (ఇవన్నీ కలిపి మెత్తగా చేసుకోవాలి)
                                       బొప్పాయికాయ కోసి గింజలు తీసి సన్నగా తురిమి నీరు పిండి శనగపిండి,ఉప్పు వేసి బాగా కలపాలి.కొంచెం నూనెలో ఈకోరుని పకోడీల మాదిరిగా వేయించాలి.ఒకగిన్నెలో 4 స్పూనుల నూనె వేసి జీరా,
రుబ్బిన మసాలా,ఉప్పు,కారం,పసుపు,ధనియాల పొడి,టమోటా ముక్కలు వేసి వేయించి 1 కప్పు నీళ్ళుపోసి 10ని.లు మరగనివ్వాలి.తర్వాత పకోడీని అందులో వేసి మూతపెట్టి 10 ని.లు సిమ్ లో ఉడకనిచ్చి కొత్తిమీర చల్లి దించాలి.ఇది చపాతీ,పూరీ,రైస్ తో చాలా బాగుంటుంది.