మెడనొప్పి వేధించకుండా.......

                                                                         గంటల తరబడి ఒకే భంగిమలో కూర్చుని పని చేయటం వలన కానీ,నిద్రపోయేటప్పుడు సరయిన భంగిమలో  పడుకోకపోయినా కానీ, తలగడ సరిగా లేకపోయినా మెడనొప్పి వేధిస్తుంటుంది.అటువంటప్పుడు కుర్చుని కానీ,నిలబడి కానీ చేయగలిగే ఈ చిన్నచిన్న యోగాసనాలు ఎంతగానో పనిచేస్తాయి.అవి ఎలా చేయాలంటే ముందుగా 1)వెన్నును నిటారుగా ఉంచి గాలి బయటకు వదులుతూ తలను కుడివైపు తిప్పాలి.గాలి లోపలి తీసుకుంటూ యధాస్థితికి రావాలి.తిరిగి గాలి వదులుతూ ఎడమవైపు తిప్పాలి.మరల గాలి లోపలకు తీసుకుంటూ యధాస్థితికి రావాలి.2)గాలి బయటకు వదులుతూ తల కిందికి వంచాలి.గాలి పీల్చుతూ పైకెత్తాలి.3)గాలి వదులుతూ తలను కుడివైపు వంచాలి.గాలి లోపలకు పీల్చుతూ తలను మధ్యకు తేవాలి.ఇలాగే ఎడమ వైపు కూడా చెయ్యాలి. 4)తలను కొద్దిగా వంచి కుడి నుండి ఎడమకు,ఎడమ నుండి కుడికి గుండ్రంగా తిప్పాలి.ఈ విధంగా రోజు ఒక్క 10 ని.లు చేస్తుంటే మెడనొప్పి వేధించకుండా ఉంటుంది.