గుమ్మడికాయ వేపుడు

గుమ్మడికాయ - 1/4
ఉల్లిపాయలు - 2
పచ్చిమిర్చి -5
అల్లం,వెల్లుల్లి పేస్ట్ -1 స్పూను
ఉప్పు - తగినంత
వేపుడు కారం - 1 టేబుల్ స్పూను
మసాలా పొడి - 1/4 స్పూను
 నూనె -  వేయించడానికి సరిపడా
 బెల్లం - కొంచెం
                                                       గుమ్మడికాయ ముక్కను చెక్కు తీసి రెండు అంగుళాల ముక్కలుగా కట్ చేసుకోవాలి.ఉల్లి,పచ్చిమిర్చి ముక్కలుగా కట్ చేయాలి.బాండీలో నూనె వేసి కాగాక తాలింపు దినుసులన్నీ వేసి,
కరివేపాకు వేసిన తర్వాత ఉల్లి,పచ్చిమిర్చి ముక్కలు వేసి అల్లం,వెల్లుల్లి పేస్ట్ వెయ్యాలి.గుమ్మడికాయ ముక్కలు వేసి ఉప్పు సరిపడా వేసి కొంచెం సేపు మూతపెట్టి మ్రగ్గనివ్వాలి.కొంచెం వేయించి వేపుడు కారం,మసాలాపొడి,బెల్లం వేసి అటు,ఇటు త్రిప్పి దించేయాలి.ఇది చాలా రుచిగా ఉంటుంది.మనం సాధారణంగా పులుసు మాత్రమే చేసుకుంటాము గానీ గుమ్మడికాయ వేపుడు అన్నంలోకి బాగుంటుంది.