చక్కనమ్మ చిక్కినా అందమే

                                        వినీష  అందంగా అజంతా శిల్పంలాగా ఉంటుంది."చక్కనమ్మ చిక్కినా అందమే"అనేది

సామెత.ఒక్కొక్కసారి కొంచెం బొద్దుగా,ఒక్కొక్కసారి కాస్త చిక్కి సన్నగా తయారౌతుంది.అయినా కూడా  అందంగా మెరిసిపోతుంది.వినీష లాంటి వాళ్ళను చూసే ఈ సామెత వాడారేమో అనిపిస్తుంది.ఎటువంటి వాళ్ళకయినా ఈర్ష్య కలిగేలా వినీష  చర్మం కాంతులీనుతుంటుంది.అదెలా సాధ్యమంటే రంగురంగులలో ఉండే కూరగాయలు,పండ్లుతనకు ఇష్టమున్నా,లేకపోయినా తింటే మంచిదని,ఆరోగ్యపరంగానేకాక,అందంగాఉంటారని వాళ్ళమ్మ చిన్నప్పటినుండి తనకు తినటం అలవాటు చేసిందని చెప్పింది.టొమాటోలు,ఆకుకూరలు,నిమ్మజాతి పండ్లు,చిరు ధాన్యాలతో చేసిన పదార్థాలు,చేపలు,గుడ్లు చర్మానికి కాంతినిచ్చితాజాగా ఉంచుతాయని తన చర్మ రహస్యం చెప్పింది.మరి మనం కూడా ప్రయత్నిద్దామా ! చర్మం కాంతివంతంగా ఉండటానికి పైపూతలు వేసినా దానితోపాటు ఆహారం తీసుకోవటం వల్ల సహజ సౌందర్యం ఇనుమడిస్తుంది.