కడుపు తరుక్కుపోతోంది

                                  శిశిర ఎంతో ముచ్చటపడి అందంగా ఇల్లు కట్టుకుంది.అన్నీఒకే రంగులో ఉండేలాగా అంటే గది గోడలు,అలమరలు,క్రింది గచ్చుతో సహా అంటే లేత గులాబీరంగు గది అయితే అదే రంగులో ఉండే పాలరాయి  ఖరీదెక్కువైనా ఖర్చుకు వెనుకాడకుండా కట్టించుకున్నారు.అనుకోకుండా భర్త పనిచేసే కంపెనీ తరఫున విదేశాలకు వెళ్ళవలసి వచ్చింది.స్వంతగా ఉండటానికి కట్టుకున్న ఇల్లు అద్దెకు ఇవ్వటం ఇష్టం లేకపోయినా ఇవ్వక తప్పలేదు.

 ఎనిమిది సంవత్సరాలకు తిరిగి వచ్చేద్దామనే ఉద్దేశ్యంతో ఇల్లు ఖాళీ చేయించారు.వచ్చేముందు రంగు వేయిద్దామని

వెళ్తే అసలు ఇల్లు మనదేనా?అనేంతగా మురికిగా ఉంది.ఆఇంటిని చూచి శిశిర కడుపు తరుక్కుపోయింది.పాలరాయి నాపరాయి లాగా తయారయింది.కరెంటు స్విచ్ లు  జిడ్డు కారుతున్నాయి.అరమర తలుపులు పైవరకూ పెట్టించుకుంటే ఒక్కటి పట్టటంలేదు.వంటగది అయితే ఎంత మురికిగా ఉందో చెప్పనవసరం లేదు.ఒక్కతాళం పట్టడం లేదు.ఇంటి చుట్టూ నల్లగా అడుగు క్రింద పెట్టలేనంత మురికిగా ఉంది.ఇచ్చేటప్పుడు క్రొత్త ఇల్లు.ఈ 8 సంవత్సరాల్లో ఒక్క రోజన్నాచుట్టూ కానీ,ఇంట్లో కానీ ఊడ్చి తుడుచుకోలేదని వినికిడి.అద్దెకు ఇచ్చినా ఇటువంటి వాళ్ళను ఒకకంట గమనించాలన్నమాట.ఇది ఒక అనుభవం.నెలరోజుల నుండి పనులు చేయించుతున్నా ఒక కొలిక్కి రాలేదు.లక్షలు ఖర్చయ్యేదికాక ఆఇంటిని చూస్తే కడుపు తరుక్కుపోతోంది అక్కా అంటూ శిశిర బాధపడింది.