కర్రతో కొడుతున్న శబ్దాలు

                                         మంజరి ఇంటిదగ్గరలో  తాటిఆకులతో వేసిన ఇల్లుంది.అందులో చిన్నచిన్నపనులు
చేసుకుంటున్న ఒక జంట కాపురముంటున్నారు.రోజు సాయంత్రం అయ్యేటప్పటికి భర్త తాగి వస్తుంటాడు.రాగానే చావు,చావు అంటూ కర్రతో కొడుతున్న శబ్దాలు వినిపిస్తుంటాయి.మంజరికి అసలు విషయం తెలియక భర్త తాగివచ్చి భార్యను కొడుతున్నాడనుకుని అయ్యో!పాపం రోజూ తాగి ఇంటికి రావటమే కాక భార్యను ఇబ్బంది పెడుతున్నాడని

కాస్త గడ్డి పెడదామనుకుని పాలేరుని తోడు తీసుకుని వెళ్ళింది.ఇంతా అక్కడకు వెళ్లేసరికి ఊహించిన దృశ్యం వ్యతిరేకంగా ఉంది.అదేమిటంటే తాగుడు మానటం లేదని భార్యే భర్తను కొడుతుంది.ఆ విషయం బయటి వాళ్లకు తెలియకుండా భర్త చావు,చావు అంటూ కర్రతో పరుపుపై కొడుతున్నాడు.వైద్యులు తాగుడు మానకపోతే చనిపోతాడన్నారని ఎంత చెప్పినా తాగుడు మానటం లేదని చెప్పీ చెప్పీ విసుగు వచ్చిందనీ తాగుడు మానేసేవరకు కొడుతూనే ఉంటానని ఇలా చేస్తేనైనా బుద్ది వచ్చి మానేస్తాడనే నమ్మకంతో కొడుతున్నానని చెప్పింది.ఇద్దరూ ఎవరిమాట వినే పరిస్థితిలో లేరు.వాళ్లకు చెప్పి ప్రయోజనం లేదని ఆమె నమ్మకం వమ్ముకాకూడదని అనుకుంటూ మంజరి ఇంటికి తిరుగు ముఖం పట్టింది.