టొమాటో రైస్

టొమాటోలు - 1/4 కే.జి
బియ్యం - 1/2 కే.జి
పుదీనా - 1 చిన్న కట్ట
కొత్తిమీర - 1 చిన్న కట్ట
కరివేపాకు - కొద్దిగా
ఉల్లిపాయ - 1
పచ్చిమిర్చి - 5
అల్లం వెల్లుల్లి పేస్ట్- 1 స్పూను
నూనె - 2 గరిటెలు
దాల్చిన చెక్క - 1
లవంగాలు - 4
యాలకులు - 2
ఉప్పు - సరిపడా
సంబారు కారం - 1 1/2 స్పూను
మసాలాపొడి - 1/4 స్పూను

                                               ముందుగా బియ్యం కడిగి అన్నం(మెత్తగా కాకుండా) వండి ప్రక్కన పెట్టుకోవాలి.స్టవ్ మీద బాండీ పెట్టి నూనెవేసి కాగిన తర్వాత దాల్చిన చెక్క,లవంగాలు,యాలకులు కరివేపాకు,కొత్తిమీర,పుదీనా వేసి వేయించాలి.పొడవుగాతరిగిన ఉల్లి,పచ్చిమిర్చి ముక్కలు వేసి,అల్లం వెల్లుల్లి పేస్ట్ వేసి వేయించాలి.టొమాటో ముక్కలు కూడా వేసి ఉప్పు,కారం వేసి వేయించాలి.చివరలో మసాలా పొడి వేసి వేయించి దించేయాలి.అన్నం ఒక ప్లేటులో వేసి ఆరనివ్వాలి.కొద్దిగా వేడిగా ఉన్నప్పుడు టొమాటో పేస్ట్ కూడా వేసి రెండు బాగా కలపాలి.నోరూరించే ఘుమఘుమలాడే రుచికరమైన టొమాటో రైస్ సిద్ధం.పిల్లలకు,పెద్దలకు కూడ లంచ్ బాక్స్ లో పెట్టటానికి చాలా బాగుంటుంది.