యోగిత గుడిలో పూజ చేసుకుని ధనుర్మాస సందర్భంగా గుడికి వచ్చిన వాళ్ళందరికీ తులసి మొక్కలు పంచుదామని తీసుకెళ్ళిరామాలయంలో ఇచ్చింది.అక్కడ ప్రసాదాలతోపాటు ఒక్కొక్కళ్ళకు ఒక్కొక్క మొక్క ఇస్తే ఇంటికి తీసుకెళ్ళి ఏమి చేయాలి?అని అడిగారు.తులసి కోటలో పెట్టుకోండి లేకపోతే మీఇంటి గుమ్మం ముందు పెట్టుకొండి.తులసిమొక్క గుడి నుండి తీసుకెళ్ళి ఇంటిముందు పెడితే మంచిదని అంటే తప్పనిసారిగా తులసిమొక్కలు దానం చేస్తున్నారేమో అన్న శంకతో తీసుకెళ్ళారు.
యోగిత కుటుంబానికి గోపూజోత్సవానికి రమ్మని బాబాగారి గుడినుండి పిలుపు వచ్చింది.గోపూజకు వచ్చినవారికి ఇద్దామని యోగిత తులసి మొక్కలు తీసుకెళ్ళింది.పూజారికి చెప్పగానే పూజ దగ్గర పెట్టిన తర్వాత వచ్చినవారిని తీసుకెళ్ళమని ప్రకటించారు.ముత్తైదులందరూ చక్కగా పూజదగ్గర అలంకరించారు.తులసివనంలో దేవతలు ఆసీనులైనట్లుగా అనిపించింది.గోపూజ,మిగతా పూజా కార్యక్రమం అయినతర్వాత ముందే ప్రకటించిన విధంగా అందరూ తులసిమొక్కలు సంతోషంగా తీసుకెళ్ళారు.ఇంకా కొంతమందికి మొక్కలు అందలేదని చెప్పారు.వెంటనే యోగిత వాళ్ళు మనిషిని పంపించి ఒక 10 ని.ల్లో అందరికీ అందించారు.అప్పటివరకు ఎదురుచూచి మరీ సంతోషంగా తులసి మొక్కలు తీసుకెళ్ళారు.యోగిత వాళ్లకు చాలా సంతోషంగా,తృప్తిగా అనిపించింది.ఎందుకంటే ముందురోజు స్పందన ఆవిధంగా ఉంటే తర్వాత రోజు స్పందన ఈవిధంగా ఉంది.
No comments:
Post a Comment