మధు శాలిని మొదటిసారి కనిపించినప్పుడు మనిషి అమాయకురాలేమో అనుకునేట్లుగా
కనిపిస్తుంది.కొన్నిరోజులైతేగానీ ఆమె నిజ స్వభావం తెలియదు.సరిత స్నేహితురాలు కనిపించి ఆమెతో ఎక్కువగా
మాట్లాడకే తల్లీ!నీనోట్లో నుండి మాట బయటకు రాకుండానే నీమీద లేనిపోయినవి కల్పించి చెప్పేస్తుంది జాగ్రత్త అని చెప్పింది.ఆమెది నాలుకా లేక తాటిమట్టా?అని అందరూ అనుకుంటారు.తాటిమట్టకు రెండు వైపులా పదును ఉన్నట్లుగా ఈమె నాలుకకు కూడా రెండువైపులా పదునెక్కువ అంది.స్నేహితురాలు చెప్పినట్లుగానే నాలుగు రోజుల తర్వాత ఒకామె ఏమిటండీ నేనెవరో మీకు తెలియకపోయినా మీరంటే మాకెంతో గౌరవము.మీరు అలా మాట్లాడారంటే మేము నమ్మలేదనుకోండి.అయినా మీకు తెలియటం కోసం చెప్తున్నాము.మధుశాలిని మాగురించి మీరు ఏవేవో మాట్లాడారని చెప్పింది అంది.ఆరకంగా చెప్పటం తప్పు కదా!అని ఆమెను అడిగినా నేనెక్కడ చెప్పాను?అనే జవాబే వస్తుంది కనుక అడగటం కూడా అనవసరమనుకుని అప్పటినుండి సరిత మధుశాలిని కనిపించినా తప్పించుకుని వెళ్ళిపోవటం మొదలు పెట్టింది.ఇటువంటి వాళ్ళదే ఇప్పుడు రాజ్యం.తస్మాత్ జాగ్రత్త.
No comments:
Post a Comment