చంద్రమతికి ఒక మనుమడు,ఒక మనుమరాలు.చిన్నప్పుడు ఒకసారి ఇద్దరూ ఒకేసారిగట్టిగా ఏడవటం మొదలెట్టారు.ఎందుకు ఏడుస్తున్నారో అర్ధం కాలేదు.మళ్ళీ వాళ్ళంతట వాళ్ళే ఏడుపు ఆపేశారు.రెండు మూడు సార్లు వెంట వెంటనే అలా జరిగింది.వాళ్ళు ఆడుకునేచోట కానీ,ఇంకెక్కడా ఏ తేడాలేదు. చంద్రమతి భర్త పిల్లల వైద్యుడు .ఆయన రాగానే పరీక్ష చేసి పిల్లలకు ఆరోగ్యరీత్యా ఏతేడా లేదని చెప్పారు.చివరికి వంట గదిలో నుండి ప్రెషర్ కుక్కర్ విజిల్స్ వచ్చినప్పుడల్లా గట్టిగా ఏడుస్తున్నారని,అది ఆగిపోయినప్పుడల్లా వాళ్ళు ఏడుపు ఆపేస్తున్నారని అర్ధమైంది.ఈ విషయం అర్ధమయ్యే లోపల చిన్నపిల్లలు నోరు విప్పి చెప్పలేరు కనుక ఎందుకు ఏడుస్తున్నారో తెలియక సమయానికి ఇంట్లో ఎవరూ లేకపోవడంతో చంద్రమతి హడలిపోయింది.హమ్మయ్య!ఇది ప్రెషర్ కుక్కర్ తెచ్చిన తంటా అన్నమాట అనుకుంది చంద్రమతి.
No comments:
Post a Comment