రితీషకు ఇప్పుడు పదేళ్ళు.బంధువులామె రితీషను మూడేళ్ళప్పుడు చూశానని చెప్పింది.మళ్ళీ ఇప్పుడు కనిపించేసరికి చిన్నప్పుడు మాఇంటికి వచ్చి అది చేసేది,ఇది చేసేది అంటూ ఏకరువు పెట్టడం మొదలెట్టింది.వాళ్ళింట్లో ఒక వంగ మొక్క ఉండేదనీ,ఎవరూ లేనప్పుడు వంకాయలన్నీ కోసి ఒక పెద్ద రుమాలులో మూట కట్టేదని చెప్పింది.వాళ్ళ నాన్న కాయలు కొయ్యకూడదు అన్నా వినకుండా వంకాయలన్నీతుంచేసేదని చెప్పింది.వింటున్నఇంకొక ఆమె కూడా ఎప్పుడు ఇంటికి వచ్చినా పిల్లల బొమ్మలన్నీపెద్ద రుమాలు క్రింద పరిచేసి చిన్నపిల్లైనా చాకలి బట్టలు మూట కట్టినట్లు కట్టేసే విషయం గుర్తొచ్చింది.మా దగ్గరే అనుకున్నాను అందరి దగ్గర ఇంతేనన్నమాట అనుకుంది.ఇప్పటికీ ఆఅలవాటు పోలేదు.పిన్ని ఇంటికి వెళితే నీకు నచ్చిన గోళ్ళ రంగులు కొన్ని తీసుకోమని పెద్ద పెట్టె పెడితే ముప్పావు వంతు పెట్టె ఖాళీ చేసి దాదాపు అన్నీ మూట కట్టుకుంది.అదేమిటే?అన్నీ తీసుకున్నావు?అక్కకు కావాలి కదా!అంటే విననట్లు ఊరుకుని చక్కగా పట్టుకుపోయింది.
No comments:
Post a Comment