శివ కు పెళ్ళయిన చాలా సంవత్సరాలకు అమ్మాయి పుట్టింది.ఎంతో ముచ్చటపడి శివ,భార్య,చెల్లెలు ఆ పాపకు హేమాన్షి అని పేరు పెట్టారు.ఒక రోజు శివ బాబాయి మనవరాలిని చూడడానికి ఊరు నుండి వచ్చాడు.పాప ముద్దుగా ఉందని ఎత్తుకుని మురిసిపోతూ పేరు ఏమి పెట్టారు అని అడిగాడు.హేమాన్షి అని చెప్పగానే మంచి పేరు బాగుంది అంటూనే ఏమాంచి,ఏమాంచి అంటూ బిగ్గరగా పిలిచాడు.అక్కడే ఉన్న శివ చెల్లెలు,భార్య తెల్లబోయారు.ఇద్దరూ ఒకరి ముఖం ఒకరు చూచుకుని శివ చెల్లెలు ఏడుపు ముఖంతో అదేంటి బాబాయ్? అంత మంచి పేరుని అలా ఖూనీ చేసేశావు అన్నది.సరిగా నేర్చుకుందామని అనుకోకుండా మొండిగా మరి ఏమి చెయ్యమంటావు? నాకు అసలు నోరు తిరగకుండా మీరు పేరు పెట్టారు.అందుకే నేను ఏమాంచి అనే పిలుత్తాను అన్నాడు.పెద్దాయన కదా!ఇంక ఎవరూ ఏమీ మాట్లాడలేదు.అదండీ సంగతి.కామంచి అన్నట్లు హేమాన్షి పేరు సరిగా పలకడం రాక అలా రూపాంతరం చెంది ఏమాంచి అని స్థిరపడిపోయింది.
No comments:
Post a Comment