సాహ్ని వైద్య విద్య అభ్యసిస్తుండగా తనతోపాటు చదువుకునే అబ్బాయిని ప్రేమించి పెళ్లి చేసుకుంది.అన్నింటికీ తొందరే అన్నట్లు పెళ్ళైన వెంటనే గర్భం దాల్చింది.ఎలాగో ఇద్దరూ చదువుకుంటూనే డెబ్బై అయిదేళ్ళ నానమ్మ,మేనత్తల సహాయంతో పరీక్షలు వ్రాసి ఉత్తీర్ణురాలైంది.తొమ్మిదో నెల నిండగానే స్వంత ఊరికి వచ్చింది.వచ్చిన రెండవ రోజే నొప్పులు మొదలవడంతో ఆసుపత్రికి తీసుకువెళ్ళారు.లోపలకు అడుగు పెట్టి పెట్టడంతోనే బుడుంగున బుడుగు బయటకు వచ్చేశాడు.ఇంట్లో అందరూ బుడుగును చూచి సంతోషించారు.గర్భం వచ్చింది మొదలు ఖాళీగా కూర్చోకుండా కళాశాలకు ఇంటికి తిరుగుతూ పనులు చేసుకోవడంతో తేలికగా ప్రసవం అయిందని తల్లి బిడ్డ ఆరోగ్యంగా ఉన్నారని నానమ్మ,మేనత్త పెద్ద వయసులో కష్టపడినా కానీ ఆ కష్టాన్ని మరిచిపోయి బుడుగును చూచి మురిసిపోయారు.
No comments:
Post a Comment