కరేబియన్ దీవుల్లో టొబాగో అనే దీవి ఒకటి.దీవి అంటేనే చుట్టూ నీళ్ళు ఉండి మధ్యలో
భూమి ఉంటుంది.టొబాగో చాలా అందమైన దీవి.చూడటానికి వచ్చే పోయే యాత్రికులతో ఎప్పుడూ రద్దీగా ఉంటుంది.దీవి అందాలను తిలకించడానికి యాత్రికులు క్రూజ్ లో వెళ్తుంటారు.సకల సౌకర్యాలతో విలాసవంతమైన క్రూజ్ లో దీవి అందాలను తిలకించడం మర్చిపోలేని అనుభూతి.దీవి చుట్టూ ఉండే సముద్రంలో నైలాన్ పూల్ ఉంది. దీన్ని చూడటానికి ప్రత్యేకంగా వెళ్తుంటారు.నడి సముద్రంలో నైలాన్ పూల్ ఒక మీటరున్నర లోతు ఉంటుంది.చుట్టూ నీలంరంగు సముద్రపు నీరు ఉంటే ఇక్కడ మాత్రం నీళ్ళు నలుపుగా ఉంటాయి.ఇక్కడ వేడిగాలులు వీస్తుంటాయి.ఈ వేడి గాలులకు చూడటానికి వెళ్ళిన వాళ్ళుకూడా నల్లబడతారు.కర్రపట్టుకుని నడిచేవాళ్ళు కూడా దూకేసి ఈనీళ్ళల్లో ఈదుతుంటారు.ఇంకొక విచిత్రమేమిటంటే ఇక్కడి ఇసుకను శరీరానికి బుగ్గలకు రాసుకుంటే భార్యాభర్తలైతే కలకాలం ప్రేమగా కలిసిమెలిసి ఉంటారని,ప్రేమికులైతే పెళ్ళి చేసుకుని జీవితాంతం కలిసి ఉంటారని స్థానికుల నమ్మకం. అందుకని అక్కడికి వెళ్ళిన వాళ్ళుతప్పనిసరిగా ఈ ఇసుకను ఒంటికి రాసుకుంటారు.
No comments:
Post a Comment