త్రిపుర ఇంట్లో రోజూ వేకువఝామున వరండాలో గట్టుపై ఒక కుర్రాడు పాలపాకెట్లు పెట్టి వెళ్తాడు.పెట్టీ పెట్టగానే ఒక కాకి వచ్చి ఒకదాన్ని ముక్కుతో పొడిచి పాలు తాగటం మొదలెట్టింది.ఈ ప్రక్రియలో కొంచెం పాలు వరండాలో పడుతున్నాయి.త్రిపుర,భర్త 5గం.లకు నడకకు వెళదామంటే వరండా శుభ్రం చేస్తే గానీ వెళ్ళలేని పరిస్థితి.పాల అబ్బాయిని పాకెట్లు వేయగానే గంట మోగించమంటే వాడికి మతిమరుపు.త్రిపుర ఎలాగైనా కాకిని రాకుండా చేయాలని రెండు రోజులు అలారం పెట్టుకుని మరీ కాపలా కాసి పాకెట్లు లోపల పెట్టింది.వీళ్ళు నడకకు వెళ్ళి వచ్చేటప్పటికి కాకి అలవాటు ప్రకారం వచ్చి పాలు కనపడకపోయేసరికి తల అటు తిప్పి ఇటు తిప్పి వరండా మొత్తం కలియ తిరిగి మూల మూలలా శోధించటం మొదలెట్టింది.వీళ్ళను చూచి ఎగిరి పోవటము,మళ్ళీ వచ్చి వరండా అంతా వెతకటము అదే పని.ఏమాటకామాటే కానీ పాల కోసం కాకి పడే తపన,తల తిప్పి వెతికే విధానానికి ముచ్చట వేసింది.
No comments:
Post a Comment