Saturday 29 October 2016

దివ్వె దివ్వె దీపావళి

                                                                               రూపావతి కొడుక్కి లేకలేక కూతురు పుట్టింది.పది నెలలు నిండాయి.ఇంతలో దీపావళి వచ్చింది.మొదటి దీపావళికి వాళ్ళ ఊరిలో చెరకు గడ పిలక కానీ గోంగూర మొక్క కానీ తెచ్చి ఆకులన్నీ తీసేసి చివరలో రెండు ఆకులు ఉంచి తెల్లటి నూతన వస్త్రము ముక్క తెచ్చి రెండు కొసలు కనిపించేలా చుట్టి నువ్వుల నూనెలో ముంచి రెండు కొసలను కలిపి వెలిగించి పసిపిల్లల చేతితో కలిపి పట్టుకుని "దివ్వె దివ్వె దీపావళి మళ్ళీ వచ్చే నాగుల చవితి"అంటూ మూడు సార్లు అటు ఇటు తిప్పించి వాకిట్లో గుమ్మం ముందు కొట్టి పిల్లను ఎత్తుకుని దాన్ని దాటి వెనక్కి తిరిగి చూడకుండా లోపలకు వెళ్ళి పిల్లకు కాళ్ళు చేతులు కడిగి తీపి నోట్లో పెట్టాలని పట్నం వచ్చినా ఆ సంప్రదాయం పాటించాలని ఒకటే హడావిడి.ఎలాగయితే అనుకున్న విధంగా చేయటానికి ఏర్పాట్లు చేసుకుని రేపటి దీపావళి కోసం ఎదురు చూస్తుంది.

No comments:

Post a Comment