రేపు శనివారం త్రయోదశి కలిసి రావడంతో శని త్రయోదశి,మాస శివరాత్రి,ధన త్రయోదశి,నరక చతుర్దశి,వేంకటేశ్వర స్వామికి ఇష్టమైన రోజు అన్నీ కలసి రావడంతో ఎంతో మంచి రోజు.ధన త్రయోదశి నాడు బంగారం కొనుక్కోవాలని నియమం ఏమీ లేదు.వీలయితే కొనుక్కొవచ్చు.లేకపోతే లేదు.కానీ భక్తితో లక్ష్మీ దేవి పూజ చేసుకుంటే మంచిది.మరీ ముఖ్యంగా రేపు ఐదు విధాలుగా పండుగ కలిసి రావడంతో వీలయినవాళ్లు శివాలయం,వైష్ణవాలయాల సందర్శనం చాలా చాలా మంచిది.వీలయితే సమయాన్ని బట్టి తైలాభిషేకం,రుద్రాభిషేకం,అమ్మవార్లకు కుంకుమ పూజలు,వేంకటేశ్వర స్వామికి అర్చన చేయించుకోగలిగితే మరీ మంచిది.వీలు కాని వాళ్ళు ఇంట్లో భక్తితో ఒక నమస్కారం చేసుకున్నా సరిపోతుంది.ఏదైనా మన మనస్సు తృప్తిని బట్టి చేసుకోవడం అంతే కదా!పనిలో పనిగా ఈ ధన త్రయోదశి మీ,మా,మన అందరి జీవితాల్లో వెలుగులు నింపాలని,కొంగ్రొత్త ఆశలు,ఆకాంక్షలు నెరవేరాలని,లక్ష్మీదేవి కరుణా కటాక్ష వీక్షణాలు మన అందరిపై ఉండాలని మనస్ఫూర్తిగా కోరుకుంటున్నాను.
No comments:
Post a Comment