ఆర్యేష్ పదేళ్ళ వాగుడుకాయ.వాడికి ఎవరన్నాభయం,భక్తి లేవు.పెద్దా చిన్నా లేకుండా మాట్లాడేస్తుంటాడు.ఎవరిని పడితే వాళ్ళను ఏది పడితే అది అనకూడదురా!అని పదే పదే చెప్పినా అర్ధం కాదు.అల్లరి ఎక్కువై చదువులో వెనకబడ్డాడని సాయంత్రం ఇంటికి వచ్చి చదువు చెప్పేలాగా ఒక మాస్టారును పెట్టారు.ఆయన ఉండేది ఒక రెండు గంటలు.ఒక గంటన్నర ఆర్యేష్ ఏదో ఒకటి అది ఏమిటి సార్?ఇదేంటి సార్?అంటూ కాలక్షేపం చేసేస్తుంటాడు.ఆర్యేష్ వాళ్ళ నాన్న అయ్యప్ప మాల వేసుకుంటూ ఆర్యేష్ కి కూడా వేయించాడు.ఒక రోజు
అలవాటులో పొరపాటుగా మాస్టారుతో మాట్లాడుతూ మాస్టారుని కూడా నీ బొంద అనేశాడు.మాస్టారు ఖంగు తిని అయ్యప్ప మాల వేసుకున్నావు కనుక కోపం వచ్చి ఇప్పుడు నీకు తొడపాశం పెట్టాలనిపించినా ఏమీ అనటం లేదు అన్నాడు.చేసేదేమీ లేక ఇకముందు నిన్ను అదుపులో పెట్టాల్సిందే అంటూ మాస్టారు వెళ్తుంటే మాస్టారుకు వచ్చిన కోపం తగ్గించడానికి ఆర్యేష్ సాక్షాత్తు అయ్యప్ప స్వామి దీవించినట్లుగా పోజు పెట్టి దీర్ఘాయుష్మాన్ భవ అన్నాడు.
No comments:
Post a Comment