చికెన్ కట్లెట్

మెత్తటి కోడిమాంసం - 1/2 కేజి
ఉల్లిపాయ - 1 పెద్దది
అల్లం తురుము - 1 టేబుల్ స్పూను
పచ్చిమిర్చి - మూడు
బంగాళదుంప - 1
మిరియాల పొడి - 1 స్పూను
మసాలా పొడి - 1 స్పూను
 బ్రెడ్ పొడి - 1 కప్పు
గుడ్లు - 2
ఉప్పు - తగినంత
కరివేపాకు - 2 రెమ్మలు
నూనె - వేయించడానికి సరిపడా

                                                             చికెన్ ఉడికించి సన్నగా కీమాలా తరగాలి.ఉల్లిపాయ సన్నగా తరిగి కొద్దిగా నూనెలో వేయించుకోవాలి.అల్లం తురుము,సన్నని పచ్చిమిర్చిముక్కలు,కరివేపాకు వేయాలి.తర్వాత చికెన్ వేసి ఉప్పు,మిరియాల పొడి,మసాలా పొడి వేసి కలపాలి.మొత్తం కలిపి కూరలాగా తయారయ్యాక దించి ఒకపక్కన పెట్టి చల్లబరచాలి.దీనిలో ఉడికించిన బంగాళ దుంప ముద్దను వేయాలి.మొత్తం కలిపి దీన్ని కట్లెట్ ఆకారంలో తయారు చేసుకోవాలి.బాండీలో నూనె పోసి కాగనివ్వాలి.గుడ్లు కొట్టి తెల్లసొన మాత్రమే గిన్నెలో వేసి కట్లెట్లు తెల్లసొనలో ముంచి,బ్రెడ్ పొడి అద్ది కాగుతున్న నూనెలో వేయాలి.ఎర్రగా వేగాక తీసి కాగితంపై వెయ్యాలి.మిగలినవన్నీకూడా అలాగే వేయించాలి.అంతే రుచికరమైన నోరూరించే కట్లెట్లు సిద్ధం.