సహజంగా చిన్నపిల్లలు పెద్దవాళ్ళను అనుకరిస్తూ ఉంటారు.స్రష్ట చురుకైన 11 నెలల పసిపాప.పడుతూ,లేస్తూ,నడుస్తూ,పరుగెడుతూ,బోసి నవ్వులు నవ్వుతూ,అల్లరి చేస్తూ వద్దంటే అరుస్తూ పెద్దవాళ్ళు కొత్తగా ఏ పని చేస్తే ఆ పనిని తాను చేయడానికి ప్రయత్నిస్తూ అనుకరణ చేస్తుంది.స్రష్ట పిన్నిసెలవులకు వచ్చింది.అందరూ కలిసి ముఖ్యమైన ప్రదేశాలు చూడడానికి వెళ్ళారు.స్రష్ట ఫోటో తీయాలంటే కుదురుగా కూర్చోకుండా ఒకటే ఏడుస్తుండేది.అలాంటిది పిన్ని చరవాణిలో అందరినీ సెల్ఫీ తీయడానికి ఇటు చూడు అనగానే ఏడవడం ఆపేసి మరీ చూస్తుండేది.చరవాణిని ఎదురుగా పెట్టి చూడడం బాగా నచ్చినట్లుంది.అప్పటి నుండి ఎవరి చేతిలో చరవాణి ఉన్నా తీసుకుని ఎదురుగా పెట్టి చేతిని అటూఇటూ జరుపుతూ ఫోటో తీస్తున్నట్లు పోజు పెట్టి కిలకిల నవ్వడం మొదలుపెట్టింది.అంతటితో స్రష్ట ఇంట్లో అందరికీ ముద్దుగా సెల్ఫీ పాప అయిపోయింది.
No comments:
Post a Comment