శ్రీమంత్ కు కాస్త చాదస్తం పాళ్ళు ఎక్కువ.ఎవరైనా ఫోను చేస్తే నాతో పనేమన్నా ఉందా?అని అడుగుతాడు.స్వంత అన్న,చెల్లెలు ఫోను చేసినా అలాగే అడుగుతుంటే ఎప్పుడైనా ఫోను చేసి కుశల ప్రశ్నలు వేయటానికి కూడా ఇబ్బంది పడుతున్నారు.ఒకసారి అక్క వరుసయ్యే ఆమెకు ఫోను చేశాడు.అప్పుడు ఆమె వేరేవాళ్ళతో మాట్లాడుతుంది.తర్వాత కాసేపాగి శ్రీమంత్ కు ఫోను చేసింది.కుశల ప్రశ్నలు వేస్తుండగానే ఊతపదం లాగా నాతో పనేంటి?అని అడిగాడు.ఏంటి?ఇలా అడుగుతున్నాడు అనుకుని నాకు నీతో పనేముంటుంది శ్రీమంత్. నువ్వే నాకు ఫోను చేశావు కదా!నీ ఫోను నంబరు చూసి ఇప్పుడు చేశాను అనేసరికి మ్రాన్పడి ఆ,ఆ ఇందాకెప్పుడో అమ్మ మాట్లాడతానంటే చేశాను అనేశాడు.ఊతపదాలు మనకు,ఎదుటివాళ్లకు కూడా ఇబ్బందికరంగా ఉంటాయి.
No comments:
Post a Comment