ఓషియో విదేశాలకు ఉన్నతవిద్య కోసం వెళ్ళాడు.అక్కడ విశ్వవిద్యాలయంలో చేరిన తర్వాత మొదట్లో తరగతులకు హాజరైనప్పుడు అక్కడి బోధనా విధానానికి అలవాటు పడక విసుగు అనిపించేది.అప్పుడు ఏమి చెయ్యాలో తెలియక తన చేతికున్న పెద్దపెద్ద గోళ్ళను నోటితో కొరికి చుట్టూ పడేశాడు.తర్వాత మెల్లగా అక్కడి నుండి జారుకున్నాడు.అక్కడ పరిసరాలు,తరగతి గదులు శుభ్రంగా ఉంటాయి కనుక ఆ స్థలంలో కూర్చుని ఈపని చేసింది ఎవరు?అని అడిగారు.చిన్నపిల్లలు కాదు కదా!కల్లా కపటం లేకుండా నిజం చెప్పెయ్యడానికి అందుకని ఆ స్థలంలో ఫలానా వాళ్ళు కూర్చున్నారు అని తెలిసినా ఎవరూ నోరు విప్పలేదు. జంతువుల్లాగా గోళ్ళు పెంచుకుని,నోటితో కొరకటం,చుట్టుప్రక్కల పడేయటం ఈపిచ్చి పనులు జంతు ప్రవర్తనను తలపిస్తున్నాయి.ఎంత వయసు వచ్చినా సభ్యత లేకపోతే ఎలా?అని అందరినీ చివాట్లు పెట్టారు.నీకసలు బుద్దుందా?గోళ్ళు పెంచడం ఒక తప్పు,కొరకటం ఇంకో తప్పు,చుట్టూ పడేయటం ఇంకో తప్పు.ఇన్ని తప్పులు చేసినప్పుడు తిట్టక ఏమి చేస్తారు?నీ పేరు చెప్పక పోవటంవల్ల మేమందరమూ తిట్లు తినాల్సి వచ్చింది అని తల ఒక పక్కా మీద పడికొట్టినంత పని చేశారు.ఇంత జరిగినా ఓషియో నిమ్మకు నీరెత్తినట్లు కూర్చున్నాడు.
No comments:
Post a Comment