బట్టల్లో పేలాలు వేయించటం

               వాసు ఒకప్పుడు వర్ధని వాళ్ళకు బట్టలు ఇస్త్రీ చేసేవాడు.ఉద్యోగరీత్యా వర్ధని వాళ్ళ కుటుంబం వేరే ఊరు
వెళ్ళాల్సివచ్చింది.ఒకపది సంవత్సరాల తర్వాత వాసు పొలాలు,ఇళ్ళు కొనాలన్నా,అమ్మాలన్నామధ్యవర్తిత్వం చేస్తున్నాడని తెలిసింది.వర్ధని మంచి పొలాలు,ఇళ్ళు ఎక్కడైనా ఉంటే కొనటానికి చూడమని ఫోన్ చేసింది.సరేనని
కొన్ని ఉన్నాయని గంట కొట్టినట్లు చెప్పాడు.మేము ఫలానా రోజున చూడటానికి వస్తామని రెడీ గా ఉండమని చెప్పింది.మొన్న మీకు చెప్పినవి కొన్ని కొనేశారు అసలు ఇవ్వాళ చూసింది రేపు ఉండటం లేదు పిచ్చిగా ఎగబడి  కోట్లు ఖర్చుపెట్టి కొనేస్తున్నారు.అమ్మేవాళ్ళు కూడా ఇవ్వాళ ఒక రేటు రేపొక రేటు చెప్తున్నారు అంటూ బట్టల్లో పేలాలు వేయించి నట్లుగా చెప్పాడు.వాసు ఇన్ని కబుర్లు నేర్చినందుకు,చెప్పే పద్దతికి వర్ధని ఆశ్చర్యపోయింది.