వృధా చేయకండి

            ఒక్కొక్కసారి ఇంట్లో కూరగాయలు కొద్దికొద్దిగా మిగిలిపోతాయి.అటువంటప్పుడు వాటితో ఏంచేస్తాములేఅని
 వృధా చేయకండి.కొంచెం బెండకాయలు,కొంచెందొండకాయలు,కొద్దిగా పచ్చిమిర్చి,కొన్ని టొమాటోలు ఉంటేవాటిని
అన్నింటినీ కడిగి,బెండకాయలు,అన్నీ ముక్కలు కట్ చేసి,బాండీలో నూనె వేసి వాటన్నింటికీ సరిపడా మిర్చిని
నిలువుగా చీల్చి వేయించి ప్రక్కన పెట్టుకోవాలి.బెండ,దొండ ముక్కల్ని కూడా కొద్దిగా వేయించి దానిలో టమాటో
ముక్కలు,ఉప్పు వేసి మగ్గించాలి.ఆరిన తర్వాత మిక్సీలో వేసి మెత్తగా అయిన తర్వాత తీసి కరివేపాకు,వెల్లుల్లి
కొత్తిమీరతో తాలింపు పెడితే చాల బాగుంటుంది.ఇది ఇడ్లీ,దోసే,అన్నంలోకి బాగుంటుంది.
                         అలాగే బెండకాయల్లో ముదురుకాయలు వచ్చినా పడేయకుండా వాటికి సరిపడా పచ్చిమిర్చి
టొమాటోలు వేసి పైన చెప్పిన విధంగా చట్నీ చేస్తే బాగుంటుంది.చింతపండు వేయనవసరం లేదు.
             ఒక్కొక్కసారి దొండకాయలు పైకి పచ్చిగా ఉండి లోపల పండురంగువి వచ్చినా పారేయకుండా వాటితో కూడా పైన చెప్పిన విధంగా చట్నీచేసుకోవచ్చు.దీనికి కూడా చింతపండు అవసరంలేదు.పచ్చిమిర్చి,టొమాటోలు
సరిపడా వేసుకుంటే సరిపోతుంది.అన్నింటికీ తాలింపు పెట్టాలి.