సైగల భాష

         కుముదిని కూతురుతో కలిసి పెళ్ళికి బెంగుళూరు వెళ్ళింది. పెళ్ళి అయినతర్వాత వచ్చేటప్పుడు రైలు బయలుదేరిన తర్వాత కొంచెంసేపటికి ఒక  స్టేషన్లో గుంపుగా కొంతమంది విద్యార్ధులు ఎక్కారు.ట్రైనింగ్ నిమిత్తం
వేరే ఊరు వెళ్తున్నామని చెప్పారు.ఎక్కిన దగ్గరనుండి వాళ్ళల్లో ఒకతను కుముదిని కూతుర్ని తొంగి తొంగి
చూస్తున్నాడు.కుముదిని కొంచెం సేపు మాట్లాడకుండా ఊరుకుని వాడి దగ్గరకు వెళ్ళి ఎందుకు అలా పిచ్చి చూపులు చూస్తున్నావు?అని గదమాయించి అడిగింది.ఏభాషలో మాట్లాడినా నాకు అర్ధం కావట్లేదు అంటున్నాడు.
చివరకు ఒరియా తప్ప ఏమీ రాదు అన్నాడు.సరే సైగలకు ఏ లంగ్వాజ్ తో పనిలేదు కదా!అని నా కూతురు
వైపు చూస్తే ఊరుకోను అని సైగ చేసి  తర్జని తో బెదిరించింది.దాంతో వాడు మళ్ళీ చూడలేదు.