Thursday 11 June 2015

నిర్లక్ష్యం - ప్రాణాలతో చెలగాటం

                                       అతి వేగం ప్రమాదకరమని తెలిసి కూడా నిర్లక్ష్యంగా వాహనాలు నడిపి వాళ్ళతో పాటు ఎదుటి వారి ప్రాణాలతో చెలగాటమాడుతున్నారు.తుషార బంధువులలో ఒక పెద్దాయన ఉదయమే పనిమీద బయటకు వెళ్ళి ఇంటికి వెళ్ళటానికి రోడ్డు దాటుతున్నాడు.అంతే వేగంగా మోటర్ సైకిల్ వాడు ఆయన్ని గుద్దేసి నిర్లక్ష్యంగా వెళ్ళిపోయాడు.అదే ఊరు కనుక ఎవరో చూసి ఇంట్లో వాళ్ళకు కబురు పెడితే వెంటనే ఆసుపత్రికి తీసుకెళ్ళారు.పన్ను విరిగి,తలకు గట్టి దెబ్బ తగలటం వల్ల రక్తం చాలా పోవటమే కాక మెదడులో రక్తం గడ్డకట్టి చావు,బతుకులతో పోరాడుతున్నాడు.వేరే ఎక్కడో అయితే ఆయన ఎవరో ఎవరికీ తెలియదు.వెంటనే వైద్యం అంధక ప్రాణాలు కోల్పోవాల్సి వచ్చేది.ఇంట్లో వాళ్ళు ఆయన ఇంకా ఇంటికి వస్తాడని ఎదురు చూస్తూ కూర్చునేవాళ్ళు.అతి వేగంగా రావటం ఒక తప్పు.మనుషుల్ని కూడా పట్టించుకోకుండా గుద్దేయటం రెండో తప్పు.గాలికి వదిలేసి వెళ్ళిపోవటం అనేది క్షమించరాని తప్పు.ప్రస్తుతానికి తప్పించుకున్నా అంతరాత్మకు తప్పు చేశాననే భావన ఉండాలి కదా!మనస్సాక్షి అనేది ఉంటే ఈవిధంగా జరగదు కదా!ఎదుటి వారి ప్రాణం అన్నాలెక్కలేదు.అంతటా నిర్లక్ష్యం.    

No comments:

Post a Comment