Monday 27 June 2016

వ్యంగ్య సలహా

                                                                            రుచిక చదువు పూర్తి చేసుకుని ఏదైనా స్వంతంగా వ్యాపారం ప్రారంభించి కొంత మందికి ఉపాధి కల్పించాలనే ఆలోచనలో ఉంది.ఒకరోజు కళాశాల నుండి ఇంటికి వచ్చేటప్పటికి వరుసకు మేనమామ,ఆయన భార్య ఇంట్లో ఉన్నారు.మాటల మధ్యలో ఆయన అమ్మాయ్ చదువు అయిపోగానే ఉద్యోగమా?వ్యాపారమా? ఏమి చేద్దామనుకుంటున్నావు?అని దీర్ఘం తీశాడు.వ్యాపారము చేద్దామనే ఆలోచన ఉంది అనగానే ఏమి వ్యాపారం చేస్తావు?వ్యాపారం అంటే మాటలా?పిల్ల కాకులకు ఏమి తెలుసు?ఉండేలు దెబ్బ అన్నట్లు నామాట వింటే ఎవరైనా బాగుపడతారు లేకపోతే మట్టి కొట్టుకుపోతారు అన్నాడు.మరే అమ్మాయ్ ఆరోగ్యానికి సంబంధించి పసుపు,వేప కలిపి మధుమేహము,కాన్సరు రాకుండా ఉండేలాగా ఒక పొడి తయారు చేసి నీ పేరు పెట్టుకో!అని ఒక వ్యంగ్య సలహా ఇచ్చాడు.ఆయనకు భార్య అంటే దైవం కన్నా ఎక్కువ.నాకన్నా నాభార్యకు ఎక్కువ చిట్కాలు తెలుసు.ఆమె నీకు ఎంతకు ఎంత కలపాలో వివరంగా చెబుతుంది విను అన్నాడు.పెద్దవాళ్ళు కదా!అందుకని రుచిక ఏమీ మాట్లాడకుండా నిమ్మకు నీరెత్తినట్లు కూర్చుంది.ఇస్తే ఇచ్చాడు కానీ భలే!వ్యంగ్య సలహా ఇచ్చాడులే అనుకుంది రుచిక.ఈరోజుల్లో ఇటువంటి వాళ్ళే ఎక్కువగా ఉంటున్నారు.ఎవరి దారిన వాళ్ళు వెళుతుంటే అడ్డు తగిలి మరీ వ్యంగ్య బాణాలు విసరడం ఎక్కువైపోయింది.

No comments:

Post a Comment