వసుమతికి ఆమె కూతురు రోజుకొకసారి తప్పనిసరిగా వీలైనప్పుడు ఏదో ఒక సమయంలో ఫోను చేసి అమ్మను కుశల ప్రశ్నలు వేసి ఆతర్వాత కాసేపు పిల్లల ముచ్చట్లు,ఇంకొంచెంసేపు మామూలు కబుర్లు చెప్పటం అలవాటు.ఈలోపు వసుమతి కోడలు వీళ్ళిద్దరూ ఏమి మాట్లాడుకుంటున్నారో అని ఉత్సుకతతో వసుసుమతి ఎక్కడ కూర్చుంటే అక్కడ ఆమె చుట్టూ ఏదో ఒక పని ఉన్నట్లు దీపం చుట్టూ తిరిగే శలభం మాదిరిగా గిరగిరా తిరుగుతుంటుంది.వసుమతికి అది నచ్చదు.అందుకని సరేనమ్మా! ఉంటాను అంటూ ఉంటుంది.అప్పుడు కూతురు అర్ధం చేసుకుని సరే అంటుంది.అమ్మాకూతుళ్ళు మాట్లాడుకునే సమయంలో కోడలు ఇంట్లో లేకపోతే అమ్మ తిరిగినట్లు శలభంలా వసుమతి చిన్న మనుమరాలు పదిహేనేళ్ళది నానమ్మ చుట్టూ చక్కర్లు కొడుతుంది.అక్కడ రహస్యాలు ఏమీ ఉండవు అయినా ఎదుటివాళ్ళు ఏమి మాట్లాడుకుంటున్నారో వినడం ఒక చెడ్డ అలవాటు.తల్లికి బుద్ధి లేకపోయే పిల్లకు కూడా అదే అలవాటు నేర్పుతుంది.
No comments:
Post a Comment