బన్నూకి ఐదు సంవత్సరాలు.వాడికి కుందేళ్ళు అంటే చాలా ఇష్టం.వాళ్ళ ఇంటి పైన మూడో అంతస్తులో వాళ్ళు రెండు తెల్లటి కుందేళ్ళను పెంచుకుంటున్నారు.రోజూ పాఠశాల నుండి రాగానే పైకి వెళ్ళి వాటితో కాసేపు ఆడుకుంటాడు.రోజూ వెళ్ళినట్లే ఆరోజు కూడా వెళ్ళాడు.చాలా సమయం గడిచినా ఇంటికి రాకపోయేసరికి బన్నూ అమ్మ పైకి వెళ్ళింది.ఎక్కడ వెతికినా బన్నూ కనిపించలేదు.పైనుండి క్రిందికి చూచేసరికి బన్నూ రక్తపు మడుగులో పడి ఉన్నాడు.వాళ్ళ అమ్మ దిగ్బ్రాంతికి గురయి నోటమాట రాక సైగలు చేస్తుంది.ఈలోపు అందరూ పోగయి వెళ్ళి చూచేటప్పటికే బన్నూ చనిపోయి ఉన్నాడు.చక్కగా ఆడుకునేవాడు ఇంతలో ఇలా అయిపోయాడేమిటా?అని చు ట్టుపక్కల వాళ్ళకే చాలా బాధగా ఉంది.తల్లిదండ్రుల బాధ చెప్పనలవి కాదు.ఏ నిమిషం ఏమి జరుగునో అన్నట్లుగా ఉంటుంది.
No comments:
Post a Comment