సౌరబ్ పిల్లలు చిన్నగా ఉన్నప్పుడు అన్నపిల్లలు ఎప్పుడన్నా పొద్దెక్కి నిద్రలేస్తే బారెడు పొద్దేక్కేదాకా నిద్రపోవటమేమిటి?అసలు పొద్దుపోయేదాకా సినిమాలు చూడటమేమిటి?అని రంకె లేసేవాడు.తన పిల్లలు పెద్దయ్యేసరికి వాళ్ళు తానంటే తందానా అనటం మొదలుపెట్టాడు.ఏసినిమా సీడీ కావాలంటే అది తెచ్చివ్వటం వాళ్ళు తెల్లవారుఝాము 4 గం.ల వరకూ సినిమాలు చూడటం,తర్వాత రోజు 12 గం.లకు నిద్రలేస్తున్నా అదేమని అడగకుండా చూసీచూడనట్లుగా ఊరుకోవటం అలవాటైపోయింది.అన్నపిల్లలేమో కొంచెం ఆలస్యమైనా మమ్మల్నైతే మాట్లాడేవాడు ఇప్పుడు తనపిల్లలు 12 గం.ల వరకూ పడుకున్నా ఏమీ అనటంలేదు.తనకో న్యాయం ఎదుటివాళ్ళకో న్యాయమా? అలా ఊరుకోవటానికి వీల్లేదు అంటూ వాళ్ళనాన్న దగ్గర సణగటం మొదలెట్టారు.వాళ్ళ నాన్నేమో ఎవరు క్రమశిక్షణగా ఉంటే వాళ్ళ భవిష్యత్తు బాగుంటుంది.గిల్లికజ్జాలు ఎందుకు?అలా అనటం వల్ల మీకు మంచే జరిగింది కదా! ఇక ఆవిషయం వదిలేసి మీ భవిష్యత్ ప్రణాళికలు గురించి ఆలోచించండి అని చెప్పారు.
No comments:
Post a Comment