నిమీలిత వయసు రెండున్నర ఏళ్ళు.అమ్మానాన్న విదేశాలలో ఉద్యోగం చేసుకుంటూ నానమ్మ దగ్గర ఒక సంవత్సరం వదిలేశారు.నానమ్మ బ్యాంకులో డబ్బులు ఇవ్వటం తీసుకోవటం చేస్తుంటుంది.రోజూ నిమీలిత నానమ్మతోపాటు వెళ్ళి మధ్యాహ్నం వరకు కూర్చుంటుంది.నానమ్మ అసలే కబుర్ల పుట్ట.ఆమె దగ్గర ఉండి నిమీలిత వసపిట్టలా మాట్లాడుతుండేది.కొన్నాళ్ళ తర్వాత అమ్మ నిమీలితను తనతో తీసుకుని వెళ్ళింది.ఒకరోజు ఖరీదైన బొమ్మ కొనిపెట్టమని నిమీలిత అమ్మను అడిగింది.అది చాలా ఖరీదు అందువల్ల ఇంకొకసారి కొనుక్కుందామని చెప్పింది.నిమీలిత నానమ్మను అమ్మ అంటుంది.మా అమ్మ దగ్గర చాలా డబ్బులున్నాయి.అమ్మ ఎప్పుడూ డబ్బులోనే కూర్చుంటుంది పద మనం అక్కడకు వెళితే అమ్మ కొనిపెడుతుంది అని చెప్పింది.
No comments:
Post a Comment