Wednesday 27 August 2014

గవ్వలు

  మైదా - 1/2 కే.జి
 బెల్లం - 1/4 కే .జి
 వెన్న - కొద్దిగా
నూనె - వేయించడానికి సరిపడా                                                                                                                                                            మైదాపిండిలో కొద్దిగా వెన్న వేసి చేతితో కలపాలి.తర్వాత సరిపడా నీళ్ళుపోసి గట్టిగా చపాతీ పిండిలాగా మర్దన చేసి కలపాలి.ఒక పలుచటి క్లాత్ తడిపి కలిపిన పిండిపై కప్పాలి.ఒక అరగంట తర్వాత చిన్న చిన్న ఉండలు చేసి గవ్వల చెక్కపై ఉండను పెట్టి బ్రొటన వ్రేలితోనొక్కి ముందుకు ఒకసారి జరిపితే గవ్వ ఆకారం వస్తుంది.చాల తేలికగా,వేగంగా చేసేయవచ్చు.కొన్నికొన్ని చేసుకుంటూ బాండీలో నూనె వేయించడానికి సరిపడా పోసి కాగిన తర్వాత గవ్వలు వేసి కరకరలాడేలా వేయించుకోవాలి.పిండి మొత్తం అలాగే  గవ్వలు చేసి  వేయించుకుంటూ  ఉండగానే ప్రక్కన తురిమిన బెల్లంలో కొంచెం నీళ్ళు పోసి కరిగినతర్వాత వడపోసి మళ్ళీ స్టవ్ పైన పెట్టి పాకం రానివ్వాలి.ఉడుకుతున్న పాకం నీళ్ళల్లో వేస్తే ఉండగా దగ్గరకు వస్తున్నప్పుడు వేయించి పెట్టుకున్న గవ్వలు వేసి బాగా త్రిప్పితే గవ్వలకు సమానంగా పాకం పడుతుంది.వీటిని ఒక పెద్ద ప్లేటులో ఆరబెట్టాలి.ఆరిన తర్వాత ఒక డబ్బాలో సర్దుకోవాలి.అంతే తినటానికి నోరూరించే గవ్వలు రెడీ.ఇవి వారం రోజులు నిల్వ ఉంటాయి.

No comments:

Post a Comment