బొంబాయి రవ్వ హల్వా

     బొంబాయి రవ్వ - 1 కప్పు
     పాలు,నీళ్ళు - 3 కప్పులు (2:1)
     యాలకుల పొడి  - 2 చిటికెలు (1,3 వ్రేళ్ళతో కలిపి తీస్తే ఎంతపొడి వస్తుందో దాన్ని చిటికెడు అంటారు.)
     అలంకరణకు - జీడిపప్పు,కిస్ మిస్
     పంచదార - 2 కప్పులు                      
     నెయ్యి - 4 టేబుల్ స్పూనులు                                                                                                  
                        పాలు,నీళ్ళు కలిపి పొంగు రానిచ్చి దానిలో బొంబాయి రవ్వ నిదానంగా పోస్తుంటే ఉండకట్టకుండా ఉంటుంది.కొంచెం ఉడికినతర్వాత పంచదార,యాలకుల పొడి,నెయ్యి కూడావేసి బాగా త్రిప్పి ముద్దలాగా
వచ్చినప్పుడు ప్లేటుకి నెయ్యి రాసి పెట్టుకుని దానిలో ఈముద్దను వేసి సమానంగా పలుచగా చెయ్యాలి.కొద్దిగా ఆరినతర్వాత మనకు నచ్చిన షేప్ లో ముక్కలు కట్ చెయ్యాలి.అలంకరణ కోసం వేయించిన జీడిపప్పు,కిస్ మిస్
అతికించాలి.నోరూరించే,రుచికరమైన బొంబాయి రవ్వ హల్వా రెడీ.ఒక్కొక్కసారి పిల్లలు అప్పటికప్పుడు ఏదైనా కావాలని పేచీ పెడుతుంటారు.అలాంటప్పుడు బయటనుండి తేచ్చేకన్నా ఇంట్లో పది ని.ల్లో తేలికగా అయిపోయే      
రుచికరమైన వంటకం.కావాలంటే ఆరంజ్,గ్రీన్ ఫుడ్ కలర్స్ కొంచెం కొంచెం కలిపి కొంత తెల్లగానే ఉంచి ఒకదానిపై ఒకటి పలుచగా సమానంగా చేసి కట్ చేస్తే కంటికి ఇంపుగా ఉండి పిల్లలు ఇష్టంగా తింటారు.