Tuesday 3 February 2015

మొగుడికి కూడు పెడతన్నావా?

                                            యవనిక పెళ్ళయి రెండున్నరేళ్ళు అయింది.అయినా వంట చేసుకోకుండా ఏదో ఒకటి తను తిని భర్తకు కూడా అలాగే పెట్టేది.భోజనం చేద్దామనిపించినప్పుడు స్నేహితులఇంటికో,బంధువులఇంటికో ముందుగా వస్తున్నామని చెప్పకుండా ఆసమయానికి వెళ్ళేవాళ్ళు.అలా వాళ్ళ అమ్మ నాన్నలకు కూడా  అలవాటు.ఒకసారి అమ్మమ్మ ఇంటికి వచ్చింది.తనకు నచ్చనిది ప్లేటులో పెట్టిందని అమ్మతో పెద్దగా పోట్లాట వేసుకుంది.ఇంతలో అమ్మమ్మ ఏమే ఇప్పుడైనా నీ మొగుడికి కూడు పెడతన్నావా?లేదా?అని అడిగింది.తోక తొక్కిన తాచుపాములా  లేచి బుసలు కొడుతూ నీకు నన్ను అడిగే అర్హత లేదు.నా మొగుడికి కూడు పెట్టేది,లేనిదీ నాకు సంబందించిన విషయం అంటూ పెద్దగా అరవటం మొదలుపెట్టింది.అమ్మ,అమ్మమ్మ చేష్టలుడిగి ఏమి మాట్లాడాలో తెలియక  గుడ్లప్పగించి చూస్తూ ఉండిపోయారు.ఇంతకీ ఆపిల్ల పెళ్ళి చేసిందే అమ్మమ్మ.హతోస్మి.   

No comments:

Post a Comment