మంజూష చిన్నప్పుడే తల్లిదండ్రులు విదేశాలకు వెళ్ళి అక్కడే స్థిరపడ్డారు.అప్పుడప్పుడు వచ్చి వెళ్తుంటారు కానీ వాళ్ళ అమ్మాయి పెళ్ళి సందర్భంగా స్నేహితుల పిల్లలకు బట్టలు కుట్టిద్దామని వెళ్ళింది.ఇప్పుడు చాల రకాలు వచ్చినాయి కదా.అక్కడకు వెళ్ళి లొంగా కుట్టాలి అని అడుగుతుంటే వాళ్లకు అర్ధం కాలేదు.ఇంతలో అక్కడకు మంజూష స్నేహితురాలు వచ్చింది.కుశలప్రశ్నలు అయ్యాక లొంగా కుట్టిద్దామని వచ్చానని చెప్పింది.పిల్లలకు లంగా అంటే పరికిణీ కుట్టిద్దామని వచ్చావా అని వాళ్ళకు ఎలా కుట్టాలో చెప్పింది.హమ్మయ్య నువ్వు కనక రాకపోతే వాళ్ళకు,నాకు కూడా ఇబ్బంది అయ్యేది అని హాయిగా ఊపిరి పీల్చుకుంది మంజూష.ఒక్క అక్షరం తేడాతో ఎంత గందరగోళం సృస్టించావో చూడు నాకు ముందే చెపితే వచ్చేదాన్నిఇంత ఇబ్బందిపడాల్సిన అవసరం ఉండేది కాదుకదా అంది స్నేహితురాలు.
No comments:
Post a Comment