వసుంధర తన కూతురుకు ఏరికోరి ఎంతో ఇష్టంగా తను చదివే ఒక వారపత్రికలో వచ్చిన ధారావాహికలోని పేరు పెట్టుకుంది.ఒక అందమైన గర్విష్టి ధనవంతురాలి పాత్ర పేరు అది.వసుంధర తమ్ముడు మేనకోడలిని ఆటపట్టిస్తూ నీపేరు బాగోలేదు పేరు మార్చుకో అంటూ చాంతాడంత పట్టిక రాసిచ్చాడు.నాకేమీ అక్కరలేదు నాపేరే నాకు నచ్చింది అంటూ చిన్నపిల్లైనా గడసరిగా సమాధానం చెప్పేది.అప్పట్లో ఆ ధారావాహిక చాలామంది చదివేవాళ్ళు కాబోలు.మొన్నీమధ్య అదే పేరు గురించి సంభాషణ జరిగింది.వరుసకు మేనమామ ఒకతను వసుంధర కూతురుకు వాళ్ళింట్లో శుభకార్యానికి పిలవటం కోసం 4,5 సార్లు ఫోను చేస్తే ఎత్తలేదని కినుకగా నీపేరుకు తగ్గట్టే ఫోను కూడా ఎత్తటం లేదు అన్నాడు.అసలు జరిగిన విషయమేమిటంటే వసుంధర కుటుంబం మొత్తం ఒక వారం విహారయాత్రకు వెళ్లారు.ఆసమయంలో చేసి ఉంటాడు.అదేమిటి?అమ్మా!ఆయన ఫోనుచేసి మరీ అలా మాట్లాడాడు అని వసుంధరను అడిగితే నీపేరు ఒక గర్విష్టి పాత్రది అందుకని పేరుకు తగ్గట్టే నీకు గర్వం అని అతని ఉద్దేశ్యం అయ్యుంటుంది అని చెప్పింది.నిజం చెప్పాలంటే వసుంధర కూతురు నిగర్వి.పేరు పెట్టినంత మాత్రాన పాత్రకు తగినట్లు నిజజీవితంలో ఉండాలని ఏమీ లేదు.ఎవరి స్వభావం వారిది.వాళ్ళ తప్పుడు అభిప్రాయాలను ఎదుటివాళ్లపై రుద్దుతుంటారు.
No comments:
Post a Comment