నితిన్ వాళ్ళది వ్యవసాయ కుటుంబం.ఒకసారి వాళ్ళ అమ్మ పాలేరు రాలేదని ఇంట్లో ఎవరూ లేరని పశువులకు మేత వేసి రమ్మని పంపించింది.పశువుల పాక దూరంగా పొలాల ప్రక్కన ఉంది.అసలే నితిన్ కు పాములంటే భయం.బిక్కుబిక్కు మంటూనే అమ్మ మాట కాదనలేక వెళ్ళాడు.అటు ఇటు చూసుకుని ఏమీ లేవని నిర్ధారించుకుని పచ్చగడ్డి తీసి పశువులకు వేయటం మొదలుపెట్టాడు.ఇంతలో పశువుల పాక తాటాకులతో వేస్తారు కనుక పైనుండి జరజరమని శబ్దం వినిపించింది.పైకి చూసేసరికి తాటిఆకుల్లో నుండి పెద్ద పాము పాకుతూ కనిపించింది.వామ్మో!పాము పాము అంటూ నితిన్ పచ్చగడ్డిని అక్కడే వదిలేసి ఒకటే పరుగు.పశువులపాక దగ్గర మొదలెట్టి ఎక్కడా ఆగకుండా ఇంట్లో వెళ్ళి పడ్డాడు.ఒకటే ఆయాసపడుతుంటే ఏమైందని వాళ్ళ అమ్మ అడిగితే నోటమాట రాక పాము పాము అనటంతప్ప ఏమీ మాట్లాడటంలేదు.పాము కనిపించి ఉంటుందని అర్ధం చేసుకుని ధైర్యంగా ఉండటం నేర్చుకోవాలి.కంగారుపడకుండా నిలబడి దాన్ని ఏమీ చేయకపోతే దానంతటదే వెళ్ళిపోతుంది అని చెప్పింది.
No comments:
Post a Comment