కష్టేఫలి

                                      హరి వడ్రంగి పని చేస్తుంటాడు.చిన్నప్పటినుండి కష్టపడి పనిచేసే తత్వం.తను కష్టపడినా  పిల్లలు చదువుకుని వృద్ధిలోకి రావాలని అతని కోరిక.దానికి తోడు పిల్లలు కూడా తండ్రి మనసు అర్ధం చేసుకుని బాగా చదువుకుని ఇద్దరూ ఇంజనీరింగ్ పూర్తి చేశారు.అమ్మాయి విదేశాలకు వెళ్ళి అక్కడ చదువుకుని మంచి ఉద్యోగం సంపాదించింది.కొడుకు కూడా స్వదేశంలో మంచి ఉద్యోగం సంపాదించాడు.కూతురికి మంచి సంబంధం చూచి వివాహం చేశాడు.మొన్ననే విదేశాలకు వెళ్ళి వచ్చానని,అక్కడ ఏమీ తోచక అనుకున్నకన్నా ముందే స్వదేశానికి వచ్చానని 

ఏమాత్రం గర్వం లేకుండా చాలా సంతోషంగా స్నేహితులకు చెప్పాడు.పిల్లలు చక్కగా స్థిరపడ్డారు కనుక పని మానేసి హాయిగా ఉండొచ్చు కదా!అని అంటే ఓపిక ఉన్నంతవరకు చేద్దామనుకుంటున్నాను అని చెప్పాడు.కష్టేఫలి అన్నట్లు అతను కష్ట పడినందుకు ప్రతిఫలం లభించింది.