Friday 30 January 2015

బొద్దింకల బెడద వదలాలంటే ......

                                   మనం ఎంత శుభ్రంగా ఉన్నావంటింట్లో ఎక్కడో ఒకచోట ఏచిన్నబొద్దింకో కనపడుతుంటుంది.
బొద్దింకలు,చీమలు రాకుండా ఉండటానికి లక్ష్మణ రేఖతో ఎప్పటికప్పుడు గీత గీయాలి.ఆహారపదార్ధాల వ్యర్ధాలను ఎప్పటికప్పుడు పారేయాలి.సింకులో గిన్నెలు వేసి ఎక్కువసేపు వదిలేయకూడదు.సింకు వాడటం పూర్తయ్యాక
బేకింగ్ సోడా చల్లి పీచుతో రుద్ది వేడి నీళ్ళు పోయాలి.గొట్టాలలో ఇరుక్కున్న పదార్ధాలు పోవటంతోపాటు సింకు శుభ్రంగా ఉంటుంది.బొద్దింకలు రావు.చెక్కబీరువాలు,అల్మారాలలో లవంగాలు,దాల్చిన చెక్క,నాఫ్తలిన్ గోళీలు పల్చటి వస్త్రంలో చుట్టి పెట్టాలి.పాత పుస్తకాలు,పేపర్లు చెక్క పెట్టెలో పెడితే నెలకొకసారి ఆలివ్ నూనెతో తుడిచి,వాటిని దులిపి ఎప్పటికప్పుడు సర్దుకుంటే బొద్దింకల బెడద ఉండదు.దోసకాయ ముక్కలు పలుచగా కోసి ఎండ బెట్టి వాటిని అక్కడక్కడ పెడితే బొద్దింకలు రావు.వెల్లుల్లి రెబ్బలు ఒలిచి అక్కడక్కడా పెట్టినా ఉపయోగం ఉంటుంది.పాత పుస్తకాల మధ్యలో బేకింగ్ సోడా చల్లితే సరి బొద్దింకలు పారిపోతాయి. 

No comments:

Post a Comment