ఇంటి పనులు,బయటి పనులు(పనివాళ్లున్నా కూడా) ఇంట్లో అందరికీ ఎవరికి ఏమి కావాలో చూస్తూ క్షణం తీరిక లేకుండా ఉండే ఇల్లాలు తను మాత్రం వేళకు పోషకాలతో కూడిన ఆహారం తీసుకోవటం, సమయానికి భోజనం చేయటం దగ్గర అశ్రద్ధ చేస్తుంది.ముప్పై ఏళ్ళలోపు అంతగా సమస్యవుండదు.తర్వాత ఏ సమస్యలు రాకుండా ఉండాలంటే మాత్రం తప్పనిసరిగా శ్రద్ధ పెట్టాల్సిందే.కాఫీ,టీ తాగే బదులు పాలు,పాల పదార్ధాలు తీసుకుంటే భవిష్యత్తులో ఎముకల సాంద్రత తగ్గకుండా ఉంటుంది.ఆడవాళ్ళల్లో రక్తహీనత ఎక్కువ.అందుకోసం ఇనుము ఎక్కువగా వుండే ఆకుకూరలు,బెల్లం,వేరుశనగ వంటివి తీసుకోవాలి.తీరిక సమయంలోఎండు ద్రాక్ష,బాదం,వాల్ నట్లు వంటివి తింటూ ఉండాలి.ఇంటి పనులతో వ్యాయామం అయిపొయింది అనుకోకుండా ఒక గంట వ్యాయామం చేయాలి.సాయంత్రం మీవారితో కలిసి కబుర్లు చెప్పుకుంటూ వ్యాహ్యాళికి వెళ్తుంటే సరదాగా ఉంటుంది.యోగా,ధ్యానం చేస్తుంటే అనవసర ఆలోచనలు రాకుండా ప్రశాంతంగా ఉంటుంది.రోజులో కాసేపు లేదా వారంలో రెండు సార్లన్నా ఎవరికోసం వారు కొంత సమయం కేటాయించుకుంటే ఏదో కోల్పోయాం అనుకోకుండా ఎవరికి నచ్చిన పని వారు చేస్తే మనసుకు సంతోషంగా ఉంటుంది.
No comments:
Post a Comment