Sunday 20 July 2014

బుల్లిపిట్ట మజిలీ

                            ఒకరోజు సాయంసంధ్యా సమయంలో సన్నగా వాన తుంపరలు పడటం మొదలైంది.పక్షులన్నీ గూళ్ళకు చేరుకునే సమయం.ఒకబుల్లిపిట్ట గూటికి చేరేసమయంలో వర్షం పడటం మొదలై అకస్మాత్తుగా పెరిగింది.
అప్పుడు బుల్లిపిట్టకు దారిలోఒక ఇంట్లో కుండీలో మొక్కలు కనిపించాయి. వివేకంతో బుల్లిపిట్ట తడుస్తూ వెళ్ళేకన్నా
కుండీలోని మొక్కఆకుల్లో తలదాచుకుందామనుకుని ఒక ఆకుమీద వాలింది.కొంచెం వానజల్లు మీదపడుతుందని
పైకి తేరిపారచూచి గొడుగుక్రింద ఉన్నట్లుగా అడ్డంగా ఉన్న ఆకుక్రింద నిలబడింది.వర్షం పడుతుందని నీరజ తలుపు తీస్తే వరండాలో ఈదృశ్యం కనిపించింది.ఆపిట్ట తెలివికి ముచ్చటేసింది.ఇంతలో నీరజవాళ్ళ అబ్బాయి అమ్మ ఏమి గమనిస్తుందో చూద్దామని వచ్చి బుల్లిపిట్ట నిలబడిన విధానం బాగుందని ఫోటో తీశాడు.కొంచెంసేపటికి వర్షంపడటం ఆగిపోయింది.చీకటిపడినాసరే బుల్లిపిట్ట తుర్రుమంటూ తనగూటికి ఎగిరిపోయింది.

1 comment: