Wednesday 30 July 2014

నీదీ నాదే,నాదీ నాదే

                                           ఇంతకు ముందు రోజుల్లో ఏ శుభకార్యం జరిగినా నీఇంట్లోదైనా,నాఇంట్లో దైనా ఒకటే మనందరమూ ఒకటి అనుకుని దగ్గరుండి పూర్తి అయిన తర్వాత వెళ్ళేవాళ్ళు.అన్నదమ్ములు,అక్కచెల్లెళ్ళు,దగ్గరి బంధువులు,స్నేహితులు పదిరోజుల ముందే వచ్చి సందడి సందడిగా ఉండేవాళ్ళు.ఇప్పుడు పది రోజుల మాట దేవుడెరుగు ఆరోజు రావటానికి కూడా బాధపడుతున్నారు.ఇది ఇలాఉంటే ఒకాయన  దగ్గరి వాళ్ళింట్లో అయినా
స్నేహితులింట్లో అయినా ఎవరూ చెప్పకుండానే తన తరఫున ఒక 200మంది స్నేహితులను,ఆఫీసువాళ్ళను
తీసుకొస్తాడు.అదే వాళ్ళ ఇంట్లో అయితే ఎరగనట్లుగా వాళ్ళను మాత్రమే పిలిచి మీ దగ్గరివాళ్ళను పిలుచుకోండి అని చెప్పకుండా నాకు ఏమీ తెలియదు ఎవరినైనా పిలవాలంటే చెప్పండి అంటాడు.ఎవరైనా ఏమి చెప్పగలరు.అందరి
ఇళ్ళకు తీసుకొస్తాడు కనుక అందరినీ అలాగే తీసుకురమ్మంటే చాల ఖర్చయిపోతుంది కదా!అందుకని అలా మాట్లాడతాడు.తీసుకొచ్చేటప్పుడు నీఇల్లు,నాఇల్లు ఒకటే అనుకుంటాడు.తీసుకురమ్మనాల్సినప్పుడు నాఇల్లు నా ఖర్చు అనుకుంటాడు.ఇంకొంతమంది ఏమిచేస్తారంటే ఏదైనా వస్తువు కావాలంటే ఎదుటివాళ్ళది వాళ్ళ స్వంత వస్తువు లాగా వాడుకుంటారు.ఎదుటి వాళ్ళకు ఏదైనా అవసరమనుకుంటే అదిలేదు,ఇదిలేదు అని కుంటిసాకులు చెప్తారు.సహాయమైనా ఎదుటివాళ్ళ సహాయం తీసుకోవటానికి వెనుకాడరు.ఎదుటి వాళ్ళకు సహాయపడాలంటే ఏమీ తెలియనట్లుగా ప్రక్కకు తప్పుకుంటారు.ఇటువంటి వాళ్ళ గురించి ఏమి అర్ధం చేసుకోవాలంటే వీళ్ళునీదీ నాదే,నాది నాదే అనుకునే మనస్తత్వం.ఇలాంటి వాళ్ళతో జాగ్రత్తగా ఉండాలి.   

No comments:

Post a Comment