Saturday 26 July 2014

పుచ్చకాయ పచ్చడి

              మనం పుచ్చకాయ లోపలిభాగం తిని పైన ఆకుపచ్చగా,తెల్లగా ఉన్నదంతా పడేస్తుంటాం.లోపలఎర్రగా ఉన్న భాగాన్ని మాత్రమే తింటాము.లోపల ఎన్నిపోషకపదార్ధాలు ఉంటాయో పైన అంతకన్నా ఎక్కువ ఉంటాయి.
ఇప్పుడు మార్కెట్లో పసుపు,ముదురు ఆకుపచ్చ రంగుల్లో కూడా పుచ్చకాయలు దొరుకుతున్నాయి.ఇవి మామూలు వాటికన్నాఎర్రగా,తియ్యగా ఉంటాయి.పైన తోలుకూడా పలుచగా ఉంటుంది.ఏరంగుకాయతోనైనా
పైనున్నతోలు వృధాగా బయట పడేయకుండా పచ్చడి చేసుకుంటే చాలా రుచిగా ఉంటుంది.అదెలా చేయాలంటే
ముందుగా పుచ్చకాయను సగానికి కట్ చెయ్యాలి. లోపలిభాగం తీసేసి పైన ఉన్న సగభాగాన్ని ముక్కలుగా కట్ చేసుకోవాలి.అవి సుమారు 400గ్రా.లు ఉంటాయి.15 పెద్దపచ్చిమిర్చి,చిన్న నిమ్మకాయంత చింతపండు,రెండు స్పూనుల జీరా,సగం వెల్లుల్లిపాయ,తగినంత ఉప్పు తీసుకోవాలి.బాండీలో కాస్త నూనె వేసి పచ్చిమిర్చి చీల్చి వేయించుకోవాలి.అవి తీసేసి పుచ్చకాయ ముక్కలు వేసి ఉప్పు వేసి మూతపెట్టి అప్పుడప్పుడు త్రిప్పాలి.నీరు
ఇగిరేవరకు ఉంచి తీసేసి ఆరనివ్వాలి.ఆరినతర్వాత మిక్సీలోనో,రోట్లోనో వేసి పచ్చడి చేయాలి.అన్నీవేసిచేసిన తర్వాత
దానిలో గడ్డపెరుగు సరిపడా కలిపి తాలింపు పెట్టాలి.ఇది చాలా రుచిగా వెరైటీగా ఉంటుంది.
                             

No comments:

Post a Comment